千盛 (已結業)

今天過去文福道探朋友,朋友介紹附近窩打老道自由大廈有一家性價比極高的日式小店, 我們大約黃昏六時入座,餐廳牆上掛有不少日式圖片,頗有日式風情, 即使晚市的定食套餐也只是100元左右, 十分抵食,餐廳平日更提供價錢更為實惠的下午茶套餐至下午六時,相信可以吸引到早收工又懶得回家煮飯啲街坊過嚟。千盛藤彩牛豐盛丼定食,藤彩牛是熊本縣知名的和牛,雖然只是定食套餐而並非自己燒,牛肉切成一粒粒,份量一點也不少,可能為了配合大部分人,所以牛肉會煮得比較熟,但食落有咬口而且一點也不會韌,隨餐附亦上麵豉湯及蒸蛋。蒲燒鰻魚定食,朋友是鰻魚控, 所以專門點了蒲燒鰻魚定食套餐,根據朋友評價其實這店啲鰻魚的質量都頗為高。燒得好香好入味,非常之好送飯。除了兩個定食套餐之外,我地見有提供不少串燒供應,所以叫了幾串試一下,包括厚切牛舌串燒,京蔥雞肉串及金菇牛肉卷,各款串燒的調味唔錯,夠惹味之餘都唔會話食完之後又勁口渴的情況。由于我們六點便入座,故當時都客人不是太多。老闆娘更親自出嚟與我們傾談及細心介紹佢哋嘅食材, 連鎖店相信絕對不能感受到這份濃厚的人情味。這類用心經營的小店實在值得多多支持一下。