TERA (寶發大廈)

营业中

休息中

最近響度努力尋覓好味厚Pancake，搵搵下發現到呢間隱世小店，Pancake空氣感十足，好有蛋香味，好食到決定下次再訪😚❀明太子蟹肉意粉❀呢款意粉2個人share就岩岩好，明太子超多，蟹肉份量都足夠，意粉好creamy，又夠哂咬口。❀煙燻照燒雞肉牛油果配窩夫❀雞扒大大份，切成一小塊咁好方便食，入口啖啖肉鮮嫩又惹味，窩夫外脆內軟，即使唔係落好多蜜糖，都夠哂味，甜甜地好快食哂。❀榛子焙茶Pancake❀店員推薦左呢款，果然冇介紹錯，Pancake又厚又濕潤，好有空氣感，入口即融，好似食緊疏乎厘咁，味道唔太甜，配料揀左焙茶牛奶布丁，焙茶味幾濃，唔錯的🥰❀荔枝玫瑰花茶❀花茶超級大壺，有淡淡玫瑰花香，酸酸甜甜咁消滯一流。