影片
更多
2023-07-29
65 浏览
今次係平日夜晚去食燒肉，所以相對少人。座位之間間隔都寬敞，環境算係乾淨，燒肉店嚟講入嚟第一印象非常唔錯。🥩Course C $368我哋係食Course C，頭盤有兩款黑毛和牛同埋澳洲M9薄炙盛合，侍應會幫你燒埋，仲好主動咁同我哋講解燒肉要注意啲乜。除咗頭盤係佢哋會主動上同幫埋你燒之外，其他都可以用手機QR code落單，會有其他精選海鮮、牛、豬、雞，仲有唔同小食同配料。出面亦有自助區，可以拎沙律、白飯、嘢飲，雪條等等。仲有部棉花糖機可以整棉花糖食，燒肉店嚟講算係好多樣化。講返食物方面，頭盤絕對係高質。🥩黑毛和牛油脂分布均勻，肉味夠濃，侍應有經驗知點燒先最入味，加埋燒肉汁一齊食味道提升一個層次。其他精選牛有牛肋肉、牛外橫隔膜、牛舌、里脊肉，都係非常適合燒肉嘅部位，覺得太油可以加埋生菜泡菜洋蔥一齊食，呢度雖然係日式，但係都會提供唔同配菜。除咗牛仲有豬雞，特別推介頸肉。豬頸肉相對多油但係就係要食油香。而雞頸肉冇咁多油脂，但係肉質嫩消，最好加鹽同黑椒調味。我哋仲叫咗海帶湯，泡菜盛合，紫菜溫泉蛋飯，吉列炸蠔等等。值得一提吉列炸蠔，外脆內軟，如果唔係主力食牛都會食多啲。食到差唔多飽，最後食條雪條
🥩Course C $368
我哋係食Course C，頭盤有兩款黑毛和牛同埋澳洲M9薄炙盛合，侍應會幫你燒埋，仲好主動咁同我哋講解燒肉要注意啲乜。
除咗頭盤係佢哋會主動上同幫埋你燒之外，其他都可以用手機QR code落單，會有其他精選海鮮、牛、豬、雞，仲有唔同小食同配料。出面亦有自助區，可以拎沙律、白飯、嘢飲，雪條等等。仲有部棉花糖機可以整棉花糖食，燒肉店嚟講算係好多樣化。
講返食物方面，頭盤絕對係高質。🥩黑毛和牛油脂分布均勻，肉味夠濃，侍應有經驗知點燒先最入味，加埋燒肉汁一齊食味道提升一個層次。
其他精選牛有牛肋肉、牛外橫隔膜、牛舌、里脊肉，都係非常適合燒肉嘅部位，覺得太油可以加埋生菜泡菜洋蔥一齊食，呢度雖然係日式，但係都會提供唔同配菜。
除咗牛仲有豬雞，特別推介頸肉。豬頸肉相對多油但係就係要食油香。而雞頸肉冇咁多油脂，但係肉質嫩消，最好加鹽同黑椒調味。
我哋仲叫咗海帶湯，泡菜盛合，紫菜溫泉蛋飯，吉列炸蠔等等。值得一提吉列炸蠔，外脆內軟，如果唔係主力食牛都會食多啲。
食到差唔多飽，最後食條雪條。今次試荔枝海鹽味，甜同鹹兩種味配合得好好，日本雪條永遠唔會令人失望。
张贴
