蝦蝦燒

营业中

休息中

同朋友喺佐敦打完羽毛球，再訪念念不忘好玩好食嘅 蝦蝦燒，有新鮮扎扎跳的活蝦，即夾即燒！任食 2.5hrs 流水蝦🦐鮑魚🦪海鮮 $348入座每一台安排獨立小火爐，兩個半鐘任飲任食，坐低已經見到店員幫我哋安排好 燒蝦蝦，好快有得食！夾蝦之前做吓運動，裝一桶冰 + 水，活蝦一夾上嚟就要放落冰桶裏邊，冰凍暈佢，然後再放上爐燒。簡單以椒鹽調味，已經能夠提升鮮味。另外每位入座仲送多一串 珍寶燒鱔，肥大肉厚，超肥美鮮甜，肉質嫩滑！一開始熱身就係主打燒海鮮，海鮮區任夾，選擇多又新鮮，性價比不錯。有原條鮮魚，馬友、泥鯭、倉魚，只可惜我哋唔鍾意食魚，唯有錯過了。但仍然可以食蠔、花甲、扇貝，值得回味。蝦灑上鹽燒，食到原汁原味，真係勁正，好食。扇貝我就鍾意加蒜蓉牛油，回味無窮。肉類方面，自助區有兩個大冰箱，擺放幾十款串燒，我揀咗自己最鍾意嘅牛肉串燒、雞翼、漢堡扒、台灣腸，燒得特別香脆，十分惹味。烤爐上下兩層，火力全開，燒到好多食物。最後一定要食燒菠蘿，香甜多汁作為甜品也可以很健康。飲品款式超多，汽水、韓國罐裝飲品、茶，愛好酒精的朋友飲真露和啤酒。最後以阿波羅雪糕配搭燒窩夫作結，朱古力味雪糕食極都唔厭。總括完美