餐廳裝修木系為主 位置唔多 十幾個位左右
掛左好多日式燈籠同酒樽 好有日式居酒屋既感覺🏮
岩哂同朋友黎卜閒聊小酌 放鬆🍻
食物選擇上當然以串燒為主 有肉類 海鮮 蔬菜類咁
飲品有汽水清酒啤酒咁 都好多元化😌
我地叫左個串燒套餐 再散叫😎
套餐包左2杯ORION 幾香麥味 清清油膩🍻
OVERALL D串燒幾有水準 全部都即叫即燒 🍢🍡
可以自選辣度 燒到恰到好處 唔會好重調味/好乾
有幾樣特別正 回味無窮😋
💥椒鹽黃金墨魚咀
墨魚咀大大粒 粉唔厚
炸得好香口 好惹味🥰
💥煙肉荔枝卷🍡
煙肉包住一粒荔枝
外脆內軟 先食到肉既油香
再食到粒煙肉 好清新好BALANCE 😆
💥鹿兒島牛粒京葱串
牛粒燒到岩岩好 滿滿既油脂香 好JUICY
京葱燒到乾身 脆脆地 正👍🏻
💥蜜糖雞中翼
雞翼幾大隻 上面既蜜糖令雞皮燒得香脆
而雞肉仲係好嫩滑🥰
💥串燒豬頸肉
豬頸肉燒到香脆又惹味😋
💥蒜蓉燒茄子
基本上食串燒我必點
成條茄子鋪滿蒜蓉同香料 燒到岩岩好
勁惹味 令茄子好食左勁多🍆😈
