影片
港铁佐敦站 A 出口, 步行约3分钟
继续阅读
电话号码
34896033
营业时间
今日营业
16:00 - 23:00
星期一至日
16:00 - 23:00
*最后落单时间: 02:00
以上资料只供参考，请与餐厅确认详情
今日谂住拍片，刚好黎到11月揾到呢间十一串串烧餐厅，大约1845入场，未有人，唔洗排队，正，入到去发现好有特色既居酒屋FEEL唯一缺点就是座位小，万一满座可能需要等入座，点完餐后，店员即入去烧！腩肉生菜卷 - 呢个麻麻，系普通腩肉包生菜 金菇肥牛卷 - 表面有点浓，但是有烧汁，好吃！ lol牛舌 - 易咬，配合黑椒烧，正！ 墨鱼咀+鸡软骨 : 2个都好脆，另外墨鱼咀非常大！ 烟肉荔枝卷：荔枝中和烟肉的咸味，这个好吃，果然是排行榜头８名之１ 原条蒜蓉烧茄子：加了孜然粉，生蒜炸蒜，不错不错！ 烧鸡皮：有少少贵，但都系脆，似猪油渣，配饭一流 蒜蓉烧生蚝：很浓海水味＋浓既蚝味 最后2人消费$473，平均1人$200，我觉得可以接受，1. 服务态度几好，2. 食物唔错
继续阅读
有时夜晚唔想食咁多嘢，食串烧就最啱而且仲可以同朋友饮返两杯啤酒🍻呢间串烧店环境唔错，服务亦都几好👍🏻 食物唔错，每样嘢都烧得啱啱好😋烧鸡皮真系烧得好够脆，而且亦都有用盐调味🤤值得推介嘅系墨鱼咀，因为咁啱都叫咗炸烧卖墨鱼嘴同炸烧卖嘅size系差唔多大粒😮而且都炸到外脆内软，真系值得一试🤤 味道：🤤🤤🤤🤤/5性价比：🤤🤤🤤🤤/5 菜式：- 脆脆串烧鸡皮：$24- 蜜糖串烧鸡中翼：$32/2只- 串烧鸡肾：$24- 串烧鸡软骨：$22- 椒盐黄金墨鱼咀：$34- 炸烧卖：$24
继续阅读
今日约埋老友食饭，想食串烧就上网揾下油尖旺呢边有咩串烧小店推介，睇到呢间串烧小店装修格局同食物都唔错，就黎一试。入去坐底睇下餐牌，点餐方式系剔点心纸，都几方便，店内装修好有日式居酒屋风格，坐位唔多大约5张枱，饮品主打啤酒同清酒，唔饮酒都可以选择罐装汽水饮品。蒜蓉粉丝大扇贝先黎左个扇贝食下，扇贝好新鲜，仲好大只，蒜蓉味道唔会太抢，平时食都系蒸，用烧既形式就更香，非常满足。烧鸡泡鱼干，椒盐墨鱼咀再黎个烧鸡泡鱼干做送酒小食，烧得岩岩好调味都唔会过重，后尾仲有加多1份，椒盐墨鱼咀，同一般餐厅既好唔同，呢度既墨鱼咀好大粒，炸浆唔会好厚，都唔会炸得太干有d惊喜。腩肉露荀卷，烟肉荔枝卷腩肉露荀卷个腩肉太薄烧得干左，扣咁d分，露荀就ok几爽几甜，烟肉荔枝卷烧得岩岩好，咸甜混合，好夹既食法。烧羊架羊架虽然烧到全熟，但都唔会好柴，好嫩滑仲好厚肉，唔会膻，调味落左d孜然同好多香草，太满足啦。鹌鹑蛋串，盐烧鸡心，盐烧鸡肝烧鹌鹑蛋就比较普通无咩特别，盐烧鸡心口感几爽脆，鸡肝我个人就一般d，因唔太钟意食肝，但烧出黎既火候系好到位的。牛油甜粟米，紫金一口甜薯，烧白鳝烧粟米同烧甜薯都好正，惊艳系个烧白鳝，烧到皮脆肉嫩，仲好厚肉，忍唔住再加多1串。烧生蚝生蚝似系新鲜生蚝，好肥美好鲜甜。盐焗宝石鱼今日既主角黎啦，食之前都有个仪式，老板先帮我地开左个盐壳，再起左层皮，同我地介绍呢条鱼无经调味纯盐焗，鱼肉好嫩滑，好新鲜，不过层皮就太硬食唔到唔怪得要起皮，钟意食鱼皮既我就略为有点点美中不足。原条蒜蓉烧茄子，炸鸡皮虾烧茄子好多蒜蓉，烧得都岩岩好好入味，炸鸡皮虾有惊喜，鸡皮包住虎虾增加左脆度，虾肉厚实鲜甜，我真系连炸虾尾都食埋。总结黎讲呢间十一串串烧小店我地一行3人都觉得好满意，串烧师父火候控制得好，食材都高质，老板都热情有礼同熟客都打成一片，食物质素高价钱我地都觉得合理，好既小店值得继续支持。
继续阅读
今日来到一间气氛悠闲嘅日式串烧店体验咗一顿好正嘅午餐，喂，真系顶级享受呀！首先，啲服务员热情得滞，令人感觉好舒服。首打头阵嘅蒜蓉粉丝大扇贝完全抢晒镜，新鲜爽甜嘅扇贝，同埋香脆啲蒜蓉粉丝，哗，简直夹到不得了🤤！再来，原条烧茄子，攞上嚟一试，茄子嘅外皮烧得啱啱好，入口即溶，恰到好处嘅蒜香，呢个真系唔试唔得！至于串烧方面，卜卜脆嘅盐烧翠玉瓜串，爽口得黎又多汁，食咗一串仲想再点多串咁嘅感觉。至于肉类嘅选择，每一样都咁诱人。串烧猪颈肉烧得啱啱好，外皮微焦嘅香味加埋肉汁浓厚，真系令人回味无穷㗎！呢度嘅每一款食物都份量足够，一家大小或者同三五知己嚟，都啱晒，又唔怕食唔饱。而家嘅食品如此多样化，但能喺呢度叹到咁本土又咁美味嘅串烧，真系咪啦错过！啲食物都系即叫即烧，保证新鲜出炉，你话，唔系正到爆炸咩？🔥😋👍
继续阅读
COVID之后好多餐厅都改左营业时间🕰️，想同朋友一班食宵夜聚下👭🏻，都要慢慢揾下心水。今次就拣左哩间食串烧🍖既餐厅，边饮边食边吹水，估唔到都有惊喜。原条蒜蓉烧茄子 $38茄子🍆有啲未熟透未淋得哂，但胜在蒜蓉🧄够哂大堆头，整体普普通通。烧汁鲜冬菇 $22哩个系我成晚最钟意既一串🍄，烧得好香，一咬落去啲汁爆出黎💦，烧汁唔多唔少，够哂调味，超级推介。汁烧鸡脾菇 $18哩个都烧得好好味，一片片都好JUICY💦，比冬菇更湿润，但我仍然比较钟意冬菇多啲❤️。烧菠萝 $22虽然佢好甜但无咩🍍菠萝味同菠萝既香味。烧豆卜 $18外脆内软，加少少辣粉🌶️都唔错。纽西兰羊肉串 $30 (左) • 串烧猪颈肉 $30 (中) • 盐烧厚牛舌 $36 (右)羊肉本身腌料有微微辣🌶️同孜然味，够香又有羊骚味🐑。猪颈肉🐷够爽，简单调味唔太腻。汁烧鹌鹑蛋 $26整体不过不失🥚。腩肉生菜卷 $38好有惊喜既一道，烧到腩肉🐷既油香出哂黎，而生菜🥬中和左腩肉既腻，食落好夹。脆脆串烧鸡皮 $26第一次见成片咁薄既鸡皮🐥，多数卷住黎串，食落好脆好似薯片咁。鲜嫩鸡肉串 $26又真系几嫩😋，钟意食辣既朋友记得加辣粉，后劲十足。椒盐鸡软骨 $38 (左) • 椒盐黄金墨鱼咀 $38 (右)炸鸡软骨都唔错，脆口热辣辣♨️，岩哂送酒。孤陋寡闻既我真系少见咁大粒炸墨鱼咀🦑，而且唔系炸皮，真系墨鱼咀肉，好弹牙爽口，同薄薄炸皮好夹👍🏻。炸水牛芝士 $38@3芝士拉丝拉到长一长，咸香芝士味🧀，外皮炸得脆卜卜。烟肉荔枝卷 $34烟肉🥓本身都比较咸，荔枝甜甜地又中和到，几新鲜既组合😗。
继续阅读