紅島冰廳

营业中

休息中

鐵板海鮮炒烏冬鐵板熱騰騰，上到枱仲出晒煙，海鮮類有海蝦、青口、魷魚等，份量豐盛，烏冬Q彈，甜醬油風味，口味香濃。焗芝士腸仔肉醬意粉濃郁肉醬覆蓋表面，啖啖意粉都沾滿肉醬，層次豐富，和芝士鹹香平衡，唔錯！銀芽肉絲炒麵色澤金黃誘人，麵條彈牙而不柴，入口仲脆卜卜，肉絲軟嫩，同爽脆嘅銀芽好夾，好有鑊氣。越式雞翼撈檬檬粉有啲唔夠凍，勝在份量充足。雞翼脆卜卜，入口有鹹香，加上醬汁，散發陣陣清新酸香，充滿酸爽感。斑蘭椰汁紅豆爆珠冰呢款特飲好得意，斑斕味嘅椰汁冰好特別，爆珠內係一粒粒紅豆粒，充滿爽脆感，入口清新自然，很涼爽。