呢晚轉涼 涷涷地 見到呢間小店好似有種好溫馨既感覺
即刻入執避一避寒先🌬️
小店真係自家經營模式 睇餐牌係港式西餐為主🤓
價錢都好合理 又唔洗加一 真係好抵😉
我地兩個人食左兩個套餐
出餐都好快 果然係香港小店
前菜：麻醬豆腐 有d沙律菜好清新 豆腐好滑 好開胃
湯係南瓜忌廉湯 質感好幼滑 有淡淡南瓜香味🫕
鐵板西冷牛扒🥩（黑椒汁）配薯菜🥗
好耐冇食鐵板餐了
附上黑椒汁 淋上去咋咋聲 好澎湃呀
塊扒超級大 我真係嚇親
牛扒冇筋亦冇乜肥膏 好易切開
又唔會overcook
紐西蘭牛肉眼扒🥩（黑椒汁）配薯菜🥗
好厚 煎得好靚
又係冇overcook 熟得黎唔會太生
岩哂我呢d食唔到太生既人士
上面竟然有rosemary拌扒 好香😌
呢d細節出面好多餐廳都唔會做
所以加分
口感又係一切就切得開
唔洗死鋸爛鋸
薯菜係有脆肉瓜西蘭花同薯角🥗🍟
好鐘意食薯角 而唔係薯條
熱氣都要照食哂
脆肉瓜煎到好腍 係我鐘意既口感🥒
因為我好怕生生地好爽既感覺
仲索左牛扒d味 好正
桂花烏龍茶☕️
天氣涷 女士飲番杯熱飲最暖身
桂花香氣濃郁又解油膩
椰汁斑斕凍紅豆冰🥤
男士唔怕涷 飲杯涷紅豆冰
個底汁係椰汁🥥
加左有斑斕整既果涷定jelly之類既野
香氣再度提升
係咁連埋紅豆畢黎食
成杯嘢嘅層次昇華左⬆️😍
最後仲有個餐後小甜品
芒果啫喱 甜甜地 係美好既完結🥰
