上海飯店 (已結業)

呢間上海菜館，已經喺美孚開咗好多年，一路都好好生意，除咗因為價錢經濟實惠之外，食物嘅質素亦都好唔錯。今晚訂咗位去食飯，所以唔駛等，門口keep住有人等位架！餐牌上選擇好多，weekday如果多人嘅話叫套餐好抵食，我地得兩個人唯有散叫啦。先來一個冷盤，例牌嘅花雕醉雞都幾大碟，酒味香醇，雞肉嫩滑，雞皮又爽，係必食嘅推介跟住就到老公點嘅上海老闆炒飯，個炒飯雖然唔係話好多料，但味道調得好好，而且炒得粒粒分明！千祈唔好睇小一碟炒飯呀，炒得好食真係唔係甘簡單。我今晚叫咗碗三鮮湯年糕，湯底顏色雖然清清地，但味道都幾濃，一定落咗唔少金華火腿。上海年糕都好滑身，不過嫌佢切得太大件太厚，無咁掛湯囉甜品當然唔少得啦，叫咗三件高力豆沙。個蛋白略為唔夠鬆軟，但中間豆沙餡嘅份量好豐富，絕對係真材實料Weekday套餐堅係抵食，下次要搵多啲人嚟試吓先。