影片
食记 (51)
星期六晚九点,walk in有枱,餐牌和午餐一样，叫了醉猪手，什锦锅钯，煎小黄鱼和梅菜包什锦锅钯非常松脆甘香，小黄鱼亦有水准，梅菜包就不过不失，醉猪手就不合格，唔够淋兼冇酒味不过价格商宜，可以一试
继续阅读
九流上海店食物差，回窝肉，上海粗炒，鸡丁。。。劲多油，劲多汁，得个咸，好油腻。上菜劲慢，侍应态度劲差！！！我地叫落𠮶啲都食完，准备埋单走，后加单𠮶𩠌等左成八九字先上，同𠮶职员讲咁迟先上，我地都食完准备走，帮我地取消𠮶𩠌。侍应态度劲差，高声话我地炒都要时间，系要等咁耐。。。你地叫左冇得取消。。。(我地问唔通你𠮶𩠌一个钟两个钟唔黎，我地都要坐系到等。。。)当时间餐厅唔满。。。一碟普通𩠌都要炒八九个字？！夹单炒都唔好要客人等咁耐，要人等耐左又态度劲无礼貌劲差地迫人要！连锁餐厅都好过尼间多多声，食物，服务态度咁差，价钱又唔平，好快会被淘汰！！！要食上海野，一定唔会再考虑尼间，家传沪晓，上海婆婆一定会系更好嘅选择！P.s. 对上一次光顾，直情见到职员将隔离枱嘅饭放入微波炉翻热就送上
继续阅读
同老公经过美孚，上开饭网揾到呢间上海食店，如果唔系专登揾，又或者系街坊，其实都几难揾到，嚟到门口见到招牌已经变成「新上海饭店」，（这个希望开饭网要更新有关资料）有一刻怀疑，但见闲日时间仍然爆场，相信质素有一定嘅水准。入到去因为太多人，所以要搭台坐。嚟到上海饭店梗要嗌返几个例牌𩠌啦！叫咗5样嘢食，有小笼汤包、煎锅贴、酸辣汤、XO酱河虾炒饭同埋虾酱鲜仲尤炒通菜。仲以为食唔哂，但系实在太好味，所以全部比我哋清哂好耐未试过呢种上海菜嘅味道，偷看到隔离台食客嘅高力豆沙....馅料都好澎湃，下次会试吓！
继续阅读
休息无聊揾嘢食 当去旅行散步 hea吓美孚冇咗泊车优惠 就行远啲拍露天$14@新上海饭店 美孚3期平台 唔识路唔易揾有条唔起眼嘅楼梯上平台 其实路在口边12点去到 啲客仲未到…… 之后就坐满门面＆内部旧装 店铺干净冇怪味 唔算太嘈侍应好有礼貌 任我哋拣枱坐 当然系坐埋一边 自得其乐吹吹水 ……店家好大方 免茶芥都仲有茶拣普洱定水仙晚市: 星期六日假期加一 茶3元午市 免茶芥 免加一 午市套餐 2𩠌1汤+2碗大饭$148 份量材料好足 有镬气 传统上海菜嘅味道食咗冇口干颈渴 好多新派店都做唔倒酸辣汤~ 微酸唔辣 一大汤碗 材料丰富有猪红猪皮木耳竹笋瘦肉丝 仲有虾猪肚怕辣都食倒 可以自己加番辣 但冇番几粒青豆就好似争啲嘢咁(处女座嘅麻烦)河虾仁炒旦~ 份量足 河虾爽有虾味唔腥好味道 但略嫌旦炒得太熟唔够滑客饭~红烧黄鱼+家常例汤+白饭大碗 $441整条小鱼炸咗再炆 鱼肉滑甜 配料多 有猪肉片芛炸蒜 做足工夫冇马夫客饭嘅~蕃茄薯仔汤 真材实料白饭转菜饭+2元 饭偏硬 菜饭冇乜菜味小笼包~ 34元4粒 趁热食有汤汁但唔算爆汁 馅肉唔大似蒸肉饼味 仲有好多菜未试 砂锅竹笙老鸭汤 㶽粑……一定会再帮衬
继续阅读
一拖再拖...转咗工成半年都未舍得写返以前未写嘅食评，见A先生难得咁有热诚继续纪录，即刻送上今次食评！话说有一日，最钟意发掘新地点嘅我，提议不如放工之后去美孚食饭，于是就揾咗呢间上海饭店（不过唔知点解见Menu系写著「新上海饭店」XD) 当晚我地点咗呢几味:1. 奶油津白味道其实唔错，份量好多，不过实在太Creamy，个人嚟讲食到有啲腻2. 红烧狮子头又系大大份，肉好淋，个汁配合得好好，所以好好味3. 小笼包／生煎包身为小笼包控嘅我，最怕系食到小笼包啲皮好厚，好难得皮同馅嘅比例岩岩好，必叫之选！再次无视脂肪侵袭嘅A先生，话点都要叫生煎包，咁食落口又真系几正嘅! 4. 上海粗炒面同样都系大大碟，味道正常， 不过真系油咗少少...认真想讲如果大食嘅朋友，嚟到呢到一定好开心，绝对大份夹抵食! 总括嚟讲，街坊价钱食到质素唔错嘅上海菜，绝对超值！加上地点非常方便，就喺美孚新邨平台位置，经过开嘅朋友不妨一试啦!
继续阅读