Jazz Bird (已結業)

呢間小店位於佐敦，雖然舖頭細細座位唔多，不過餐牌款式都幾多，主打低碳生酮飲食同素食，無論你係減緊肥，想增肌或者素食主義者都啱食。double足三兩素肉芝士漢堡🍔漢堡包好厚身，外皮香脆，咬落去好軟熟，兩塊素牛肉好厚身，唔講係素肉真係以為係真牛肉，配埋芝士，生菜，蕃茄，同平時食開嘅漢堡唔同，冇咩醬汁比較健康。炸魚薯條🍟薯條炸得好香脆，加咗黑椒同鹽調味，簡單嘅配搭就是美味；炸魚都係素食，袋落真係好似真嘅魚柳，點埋醬汁酸酸甜甜好惹味。金沙特飲🍫朱古力味香濃，忌廉Creamy而不膩，仲有脆卜卜嘅朱古力碎。西西里檸檬撻🍋檸檬香味清新，每一啖都有檸檬酸味，底部有檸檬醬，清香而不苦澀，撻皮牛油味香濃，內陷芝士味香濃，creamy口感細滑，好酸之人必食👍🏻成個甜品都係生酮的，唔用麵粉同砂糖，用杏仁粉同羅漢果糖，女士就唔怕肥啦😂雜菜湯🥕🍅🧅🥔有多款雜菜，包括蘿蔔，蕃茄，洋蔥，薯仔等等，個湯質地比較杰，應該係因為薯仔溶咗嘅關係，同一般羅宋湯唔同，由於冇肉類，唔會好油膩，味道比較酸，建議可以加返多啲甜味嘅蔬菜平衡返。原來呢間係喺疫情之中送物資同食物比有需要家庭嘅愛心小店，收益都會作慈善用途同資助非牟利機構，來