象泰 (已結業)

屯門新墟係近日開左新商場-gogomall主打係小食鋪頭,但其實裡面仲有一間穩世既泰國特色餐廳,一入餐廳已經播緊泰國歌雖然唔明但非常有氣氛, 我地分別叫左菠蘿海鮮炒飯同豬肉碎飯, 個炒飯認真好抵食, 材料十足之餘份量係多到我要打包第二日lunch, 另外我地仲叫左半份既串燒同蕉葉烤焗烏頭再加一碟必叫既飛天通菜, 烏頭好新鮮, 配埋個酸辣醬提醒鮮味！串燒雖然叫左半份但原來有半打 都只係$88我覺得咁嘅價錢真係非常抵食，而且啲串燒非常香口, 個飛天通菜一樣非常有鑊氣份量都非常之多, 下次一定要帶多個朋友嚟食分享下先得！