影片
更多
2022-12-03
3849 浏览
《Memoir - 銅鑼灣》銅鑼灣灣仔區一向都多精緻嘅西餐，早排同 就去試左一間喺登龍街既樓上西餐廳，餐廳環境唔錯，運用左燈光同裝飾品佈置到成個環境好grand，一到門口就見到有本Diary，上面寫左好多小金句同有好多窩心既圖片，十分精緻❤️都未食嘢就已經比呢啲細節位吸引到☺️ 由於當日我唔係太肚餓嘅關係，當晚我哋叫咗一個主食同埋一個前菜，埋單連埋加一大約$500左右，價錢都幾合理👍🏻💁🏻♀️鮮蕃茄水牛芝士 $88我同朋友其實都好鍾意食車厘茄，唔知點解通常喺餐廳食到嘅車厘茄都特別好食，但係自己買嗰啲永遠冇咁甜🤔我最鍾意就係餐廳喺啲車厘茄同埋水牛芝士上面淋左黑醋同埋一啲閃令令嘅蜜糖醬，令本身好鮮甜嘅車厘茄更加好食👍🏻配埋水牛芝士真係冇得輸，我同朋友都讚不絕口💁🏻♀️香煎美國肉眼排配紅酒汁 $398主菜我哋揀咗牛扒兩個人share，出奇地朋友話想要三成熟😋啱晒我😁牛扒出到嚟嘅生熟程度剛剛好，證明廚師的火候控制得好👍🏻牛扒本身都已經有調味，可以按照個人喜好選擇點唔點紅酒醬汁，但我就覺得點少少鹽原汁原味最好食😉而牛扒嘅肉質咬落好香軟，我最鍾意就係筋位嘅部份，有咬口得黎肉味特別濃郁😏另外，我發覺牛
銅鑼灣灣仔區一向都多精緻嘅西餐，早排同 就去試左一間喺登龍街既樓上西餐廳，餐廳環境唔錯，運用左燈光同裝飾品佈置到成個環境好grand，一到門口就見到有本Diary，上面寫左好多小金句同有好多窩心既圖片，十分精緻❤️都未食嘢就已經比呢啲細節位吸引到☺️ 由於當日我唔係太肚餓嘅關係，當晚我哋叫咗一個主食同埋一個前菜，埋單連埋加一大約$500左右，價錢都幾合理👍🏻
💁🏻♀️鮮蕃茄水牛芝士 $88
我同朋友其實都好鍾意食車厘茄，唔知點解通常喺餐廳食到嘅車厘茄都特別好食，但係自己買嗰啲永遠冇咁甜🤔我最鍾意就係餐廳喺啲車厘茄同埋水牛芝士上面淋左黑醋同埋一啲閃令令嘅蜜糖醬，令本身好鮮甜嘅車厘茄更加好食👍🏻配埋水牛芝士真係冇得輸，我同朋友都讚不絕口
💁🏻♀️香煎美國肉眼排配紅酒汁 $398
主菜我哋揀咗牛扒兩個人share，出奇地朋友話想要三成熟😋啱晒我😁牛扒出到嚟嘅生熟程度剛剛好，證明廚師的火候控制得好👍🏻牛扒本身都已經有調味，可以按照個人喜好選擇點唔點紅酒醬汁，但我就覺得點少少鹽原汁原味最好食😉而牛扒嘅肉質咬落好香軟，我最鍾意就係筋位嘅部份，有咬口得黎肉味特別濃郁😏另外，我發覺牛扒既伴菜燒蒜頭都出奇地好味😍
蒜頭已經煮到淋晒，但係面層有少少焦脆，無論係就咁食定係配埋牛扒都一樣好味🤤總括嚟講，呢間餐廳嘅質素其實拍得住好多街外既西餐廳，淨係個前菜既味道都已經好驚艷，雖然車厘茄同埋水牛芝士喺出邊成日都食到，但係我覺得佢個重點係上面嘅醬汁🤔超想知個秘方係咩囉😂而食物方面，價錢同埋份量都絕對合理，有機會嘅話一定會再返嚟試吓其他菜式😌
张贴
