小巷人家 (已結業)

餐廳：小巷人家地點：北角堡壘街，入口係喺六福珠寶隔離既小巷菜式：川菜餐牌：必食推介，雞，牛，豬，蝦，蜆，經典川菜，海鮮，小食，小炒，蒸類，湯羹，青菜，炒粉麵飯，飲品。餐牌非常新凈。一坐低就有花生小食，唔錯。招牌水煮魚 例 $168招牌水煮魚大大兜，鮮紅色！面頭大量辣椒同花椒。連皮魚片又脆又滑，好食，份量唔少。其他配料仲有吸汁豆卜，芹菜，芽菜，蓮藕片，萵苣片，雲耳，薯粉同芫荽。呢碟菜味道又麻又辣，我覺得呢個辣度可以接受。沙拉芥末蝦球 例 $108沙拉芥末蝦球有成十隻大蝦球，放係兩片生菜上面。蝦球爽脆大隻，外皮少脆，個芥末汁好香好特別，仲供鼻添。面頭加上腰果碎，更添滋味。呢個份量抵食。黑椒蜜糖牛柳粒 例 $108黑椒蜜糖牛柳粒熱辣辣上枱。牛柳粒大大粒大概有十粒，啖啖肉又嫩。個汁甜甜地，蜜糖味濃，反而黑椒味較輕手，好食。薯粒整得皮脆內嫩，好惹味。配料有紅椒同青椒。今晚野食質素高，價錢經濟實惠，座位都舒服，乾淨企理。