小王牛肉麵 (已結業)

久未到沙田，今個星期決定來逛街。近八點，餓極，睇均新城市、沙田廣場同好運中心，冇咩想食，決定轉戰連城。一上到食肆層，就見到新開的小王牛肉麵。望望招牌上列出的菜色，睇落都係正宗台灣菜，就試下！雖然門前等位的人都不少，但等了十分鐘左右就有位，也可以吧。菜單上的選擇不少，除了主打的麵食之外，前菜的選擇頗多，難免令人選擇困難症病發 我們二人就叫了：// 牛筋麵 //未食麵，先飲湯。入口一陣藥材香，對辦，而且清晒都唔覺口乾，唔錯唔錯。牛筋煮得又腍又入味，麵都掛湯。唯一可惜係冇蘿白，嘥咗！// 沙茶牛肉拌麵 //咁，其實點菜時我想像佢係涼嘅，所以發現佢係熱食個陣，係有「噢…」的感覺。整碗麵的熱度十足，不過食落冇乜特別，早知試下叫其他湯麵，再唔係試下飯都好~// 鹽酥蚵仔 //炸得酥脆乾食，好快 KO 晒~ // 麻辣牛肚粉皮 //既香且辣，吃小辣的朋友，慎入！// 抓餅 //本來是點了牛肉餅，不過冇 師傅的抓功不錯，餅面的酥皮非常鬆脆！如果可以加蛋就更加正~ // 麻醬 A 菜 //又係另一個二灘，本來想叫地道一點的白苦瓜牛肉，但大概不是苦瓜季節，冇貨。麻醬 A 菜食落似麻醬生菜沙律，以廿蚊有