影片
更多
2021-09-17
1505 浏览
今日又去駱駝漆大廈開餐。沒有既定目標，總之從最頂一層往下走，睇睇有哪一間又多人幫襯、又未食過就衝入去。估唔到在11樓就已經見到「五月星牛肉麵」全室滿座，亦未試過；決定等位。不到5分鐘，剛剛有客人結賬，順利入座。見到餐廳名字嘅時候，總是覺得似曾相識，但又明明從未幫襯過。諗諗吓，醒起原來之前食過兩間台灣牛肉麵，名字分別係「六兩三」同「三星」，唔怪得！沒有什麼室內裝修可言、甚至有點凌亂，同廠廈飯堂沒有大分別；亦同駱駝漆大廈內的大部份餐廳一樣，唔講究用餐環境。午市牛肉麵套餐一律包小食一客及飲品一杯；比起其他來自台灣的過江龍牛肉麵名店，要差不多$100 一碗、沒有小食飲品贈送、還要加一服務費，抵食很多 ⋯⋯ 始終係工廠大廈樓上舖，可以節省不少租金。小食份量真的很少，同中式酒樓贈送（其實收錢）的凉菜小食份量差不多。麻辣豬耳內的小豆芽及青瓜絲份量比豬耳還要多。雖然賣相麻麻，但原來用了麻油及麻辣香油調味，味道也算不錯；只略嫌麻油香味太重手、麻及辣就未夠。涼拌茄子清甜腍滑。招牌紅燒牛肉麵（$78）即係最基本嘅台灣牛肉麵，選用牛腱肉，即是香港人所叫嘅金錢𦟌。質感同滷水牛𦟌接近，偏向爽口、有點硬身，雖然未至
見到餐廳名字嘅時候，總是覺得似曾相識，但又明明從未幫襯過。諗諗吓，醒起原來之前食過兩間台灣牛肉麵，名字分別係「六兩三」同「三星」，唔怪得！沒有什麼室內裝修可言、甚至有點凌亂，同廠廈飯堂沒有大分別；亦同駱駝漆大廈內的大部份餐廳一樣，唔講究用餐環境。
午市牛肉麵套餐一律包小食一客及飲品一杯；比起其他來自台灣的過江龍牛肉麵名店，要差不多$100 一碗、沒有小食飲品贈送、還要加一服務費，抵食很多 ⋯⋯ 始終係工廠大廈樓上舖，可以節省不少租金。
小食份量真的很少，同中式酒樓贈送（其實收錢）的凉菜小食份量差不多。麻辣豬耳內的小豆芽及青瓜絲份量比豬耳還要多。雖然賣相麻麻，但原來用了麻油及麻辣香油調味，味道也算不錯；只略嫌麻油香味太重手、麻及辣就未夠。涼拌茄子清甜腍滑。
招牌紅燒牛肉麵（$78）即係最基本嘅台灣牛肉麵，選用牛腱肉，即是香港人所叫嘅金錢𦟌。質感同滷水牛𦟌接近，偏向爽口、有點硬身，雖然未至於硬到好似滷水牛𦟌的爽口；但這種質感就肯定唔係台灣牛肉麵應該有的鬆化軟腍口味。湯底雖然有少少香辣，但唔夠濃郁、太過清淡，缺少了複雜的香料及恰當辣度，同理想的台灣牛肉麵紅燒湯底有一段距離。
招牌紅燒牛肉麵
$78
23 浏览
0 赞好
0 留言
大部份正宗台灣牛肉麵只有三寶，滿漢牛肉麵（$98）就唔係間間有得食，總覺得這個口味係香港人自己創造出來。湯底及麵條同招牌牛肉麵一模一樣，食材方面除了三寶的牛肉（牛腱肉）、牛肚同牛筋之外，還加入了牛丸及切片半肥牛腩。牛丸彈牙，味道幾好；金錢牛肚就好唔掂，雖然軟腍，但唔彈牙、欠咬口，冇味道；切片半肥牛腩炆得夠腍，竟然比牛腱肉還要好吃，似乎唔係台灣牛肉麵應有的水準。
滿漢牛肉麵
$98
33 浏览
0 赞好
0 留言
17 浏览
0 赞好
0 留言
30 浏览
0 赞好
0 留言
25 浏览
0 赞好
0 留言
試管鹽酥雞（$48）係餐廳招牌推介美食，將台式鹽酥雞的口味複雜化，在炸粉及鹽酥調味基礎上，增加了六款自主調味料：梅粉、芝士粉、香葱粉、孜然粉、辣粉及鹽酥雞粉。意念的確係幾好，但敗筆竟然在於最基本的鹽酥雞粒並不好吃。就算未食落口，睇賣相已經知道有問題：太乾、太硬、欠油脂，還要唔夠熱辣辣。
試管鹽酥雞
$48
16 浏览
0 赞好
0 留言
試管鹽酥雞
$48
32 浏览
0 赞好
0 留言
雖然吃了兩款招牌推介，但味道同用餐環境一樣，非常一般而已；即使相對抵食，也沒有值得返頭再食的賣點。
张贴
