魂 (已結業)

聽男朋友講以前佢係銅鑼灣食過，呢排搬咗去太子，一於睇下食唔食得返以前嘅味道。鋪頭會俾一部平板電腦客人自行落單。侍應都好親切，問我地有冇食過。因為我冇食過，佢好有耐性逐樣介紹四款拉麵嘅特色同點樣落單。原味豬骨湯拉麵麵度揀咗軟，湯底厚度揀咗中。湯底好有豬骨味，質地好厚，會黏口，好好飲！墨魚汁拉麵麵度正常，湯底揀咗濃厚。好明顯飲得出海鮮嘅鮮味！都唔會食到成嘴黑哂木耳應該有小小麻油撈骨，好滑又爽口。蛋得半隻，好軟身。可惜叉燒得一塊。湯底好好飲，第一次感覺係日本食緊拉麵咁。份量都係正常，男仔留肚食下場啦，唔係半夜會肚餓！下次再黎試過菠菜湯底！值得再黎！