伴糖水 (已結業)

帶啊爸啊媽出尖沙咀行街，經過呢間中式甜品店，啱晒我哋買返屋企食，就即管試下。雖然店面細細間，但都有好幾款經典中式甜品可以選！經店員推介，我哋揀左：👉🏼自家生磨合桃糊 $48爸爸至愛！特別呢家店合桃糊唔會太甜，食得出好新鮮，又唔膩。而且因為係生磨，合桃味非常濃郁，口感香滑，真係好值得一試！👉🏼紅棗桂㘣桃膠糖水 $58媽媽至愛！店員特別強調，為咗揀到新鮮又乾淨嘅桃膠，要落好多功夫！而紅棗桂圓糖水膽都係自家煲制。簡單嚟講，充滿心機同功夫。果然好似佢所講，唔單止糖水非常足料，而且唔會過甜！雖然呢間店距離地鐵站有少少距離，而且只做外賣，但生意絕對唔少。我哋去到都要等好幾個客人。而且睇到每位客人落單之後，店員先會用煲再翻熱糖水，唔會煮足一日！加埋價錢合理，真係值得一試再試。