興記菜館

营业中

休息中

去完廸士尼, 出番旺角, 晚餐去咗廟街”興記”食飯。食物：蠔仔餅 (大)：都好多蠔仔, 又幾香口。不過唔知係唔係太油, 所以都幾滯。椒鹽魷魚：炸得好味, 好香口。螺：ok 啦, 都幾大碟。9菜：我唔食的, 無評語。蜆：對我嚟講, 太辣。同埋, 都幾多係得個殼無肉的。哈。炒麵：本來友人叫呢個都係為咗飽肚d, 估唔到呢個最好食。佢唔似出面果d咁炒到一嚿嚿, 佢好乾食, 條條麵都”分到好開”, 條條麵都有豉油味。好味。Service： 一般啦, 當你喺門口時, “一班”阿姐就好好口咁”推介”你入佢地店內食囉, 一坐低就唔得閒理你。環境：一般啦, 又唔係話會好唔乾淨果d。食物：都ok。