聚來車仔麵

营业中

休息中

本身想喺另外一間食餃子，但係大排長龍，所以去咗呢間，因為見到佢都有餃子食，所以一於試下！叫咗個四餸車仔麵，配料款式好多。湯底要咗沙嗲湯底，另外仲叫咗魚蛋餃子麵筋同埋魚腐。我覺得咁多樣配料入面，椰菜餃子最好食，幾鮮甜，有少少驚喜。另外個面底揀咗油麵，油麵質感有啲似拉麵，同平時食到嘅有少少唔同。另外因為我本身鍾意食辣，所以仲加埋啲菜甫一齊食，都幾正。可惜今次食唔到太多嘢，如果唔係都幾想試吓佢嘅西多士！聽講好多人會去食！