📍 牛気 ｛尖沙咀｝
牛氣成日都聽得好多，好多身邊嘅同事或者朋友都會鍾意食牛嘅打邊爐放題，之後就會選擇牛氣 ！
咁就跟朋友去覓食🫣
最近餐廳嘅主題係泰Happi，所以除咗打邊爐之外仲會有泰式嘢食/甜品，餐廳都好多元化，將唔同地方嘅食品都帶到入嚟🥢🥢🥢
一去到自助區，我比較最好奇嘅就係自製棉花糖機，自己捲吓卷下，加啲糖入去，又真係幾好玩，啱晒啲小朋友可以自製棉花糖又有得食又有得玩😍
喺自助區都見到好多火鍋嘅配料
最比較欣賞嘅就係佢哋嘅日本雞蛋🥚日本手打拉麵🍜見到喺日本雞蛋都特別食多咗兩隻，日本手打拉麵好彈牙，而且好有口感，加落蕃茄湯底🍅
超吸湯💦
見到依個套餐包括咗好幾款靚牛肉+海鮮放題任食！澳洲穀飼黑安格斯牛 +SRF 美國極黑牛放題＋海鮮放題，我哋就愛不釋手嗌左🤭🤭🤭
安格斯牛的濃郁肉香，其甜度、嫩度和多汁度更是遠超其他牛肉，入口即化的口感，在口中爆發出豐富的肉汁🐮🐮🐮｛不停嗌🤭🤭🤭｝
海鮮任食夠新鮮，仲可以愛嚟做湯底，海鮮湯底，海鮮味更加突出🩷🩷
蕃茄濃湯-唔知用咗幾多個先蕃茄去煲依個湯底，每一羹都好濃郁蕃茄鮮味，而且仲有蕃茄肉喺入邊，真係夠晒味道🍅🍅🍅
可以手機落單叫其他嘅壽司火鍋配料同埋期間限定或者甜品🍮壽司細細件-玉子壽司、鰻魚壽司🍣
手機落單，仲有其他手工或者手打嘅火鍋配料
手工韭菜豬肉餃、手工白菜豬肉餃、手打黃金蝦丸，全部都係每日人手新鮮嘅製造🧑🏭每一粒入邊嘅餡料都好豐富🥢🥢🥢
甜品比較特別，同埋我食得最多嘅就係依兩樣，
期間限定-D24榴槤雪米糍、鮮柚楊枝甘露
因為入邊真係有榴槤肉同埋有鮮柚肉
楊枝甘露簡直我係當飲品，兩款甜品都係店內每日新鮮製造，我淨係一個人都飲咗五杯楊枝甘露！
