影片
更多
2019-08-24
3447 浏览
間唔時都會經過呢間餐廳，不過見到menu始終都覺得唔算平，所以一直都無衝動入去試下，但同事都推介過fifty fifty😬。因為朋友今日又喺長沙灣返工，可以陪我食飯，所以決定食好啲😝。嚟到fifty fifty第一樣嘢發現係佢哋會每張枱放咗張紙寫係無餐牌嘅餐廳，上面印咗個QR code，但呢張紙咪又係嘥紙🙈，不過可能可以免卻改menu要重新印過掛。題外話，餐廳亦係唔係唔會主動提供飲管，抵讚👍🏻。餐廳每日有7-8款午餐揀，而且真係會換款的，變相會嚟食多幾次。午餐包是日餐湯同$20以下嘅飲品，即係凍檸茶都要加+$2😂，都ok啦。我哋share食，叫咗燒春雞配焦糖熱情果汁(配薯菜)($78)同燒澳洲肉眼扒配牛肝菌汁(配意粉)($88)。是日餐湯係南瓜🎃湯，可説係佢哋嘅招牌，因為用忌廉寫咗”50 50”，但我覺得有少少稀，味道就無乜特別。至於主食嚟喇，兩樣都大大碟，而且配有唔少蔬菜🥕🥦，賣相吸引😍。首先係燒雞🐔，好大隻下，而且肉嫩唔會燶，肉本身無醃味，主要靠個汁，但個汁甜甜地好少酸真係好正又好開胃👍🏻👍🏻，令到成碟菜式昇華哂，而且啲薯蓉襯埋個汁直頭令我同個朋友爭食咁濟😂。至於塊牛扒🥩，本身無特
嚟到fifty fifty第一樣嘢發現係佢哋會每張枱放咗張紙寫係無餐牌嘅餐廳，上面印咗個QR code，但呢張紙咪又係嘥紙🙈，不過可能可以免卻改menu要重新印過掛。題外話，餐廳亦係唔係唔會主動提供飲管，抵讚👍🏻。
餐廳每日有7-8款午餐揀，而且真係會換款的，變相會嚟食多幾次。午餐包是日餐湯同$20以下嘅飲品，即係凍檸茶都要加+$2😂，都ok啦。我哋share食，叫咗燒春雞配焦糖熱情果汁(配薯菜)($78)同燒澳洲肉眼扒配牛肝菌汁(配意粉)($88)。
27 浏览
0 赞好
0 留言
是日餐湯係南瓜🎃湯，可説係佢哋嘅招牌，因為用忌廉寫咗”50 50”，但我覺得有少少稀，味道就無乜特別。
20 浏览
0 赞好
0 留言
至於主食嚟喇，兩樣都大大碟，而且配有唔少蔬菜🥕🥦，賣相吸引😍。首先係燒雞🐔，好大隻下，而且肉嫩唔會燶，肉本身無醃味，主要靠個汁，但個汁甜甜地好少酸真係好正又好開胃👍🏻👍🏻，令到成碟菜式昇華哂，而且啲薯蓉襯埋個汁直頭令我同個朋友爭食咁濟😂。
燒春雞配焦糖熱情果汁
$78
24 浏览
0 赞好
0 留言
至於塊牛扒🥩，本身無特別高期望，因為覺得塊扒應該普普通通，如果扒質素一般點整都唔會好食得去邊。但呢塊扒無俾我睇死喎，首先佢好大塊👍🏻，而且肉味濃郁，肉質口感好，唔會有太多筋😍。個牛肝菌汁亦好好味，啱配紅肉食，但又唔會太濃搶味。唯一要彈下係個意粉麻麻，唔掛汁，份量又少，早知要埋薯蓉好過。雖然係咁，都無阻份牛扒嘅美味😋。
燒澳洲肉眼扒配牛肝菌汁
$88
28 浏览
0 赞好
0 留言
由於個朋友太大食😂，所以叫多咗甜品食，係芝士蛋糕🍰配朱古力醬(+10)，唔算好細件，芝士味亦都算濃，唔錯，滿足嘅一餐。
6 浏览
0 赞好
0 留言
總括嚟講，我好開心發現咗呢間咁高質(雖然價格喺呢區嚟講算貴)嘅西餐廳，以後有多啲選擇👍🏻，而且餐廳亦算好大，相信一般應該都唔使等位。食物同環境都好好，適合喺呢區返工想食得好少少或者老闆想請食Team lunch的地方哈🤣。
张贴
