湘川滬 (已結業)

今晚到新世紀揾嘢食,由於好多都食過,所以上嚟呢間食;茶是人蔘烏龍,雖然要$9一位,但飲落去真係有甘味,很好.鎮江餚肉($48)--有八塊,很爽脆.小籠包($25)--皮很厚,肉質很乾,雖然夠大隻,但唔多好食.酸辣湯($18)--小辣,有幾隻蝦仁,雖然較稀,但味道不錯.瑤柱冬茸羹($20)--都有很多瑤柱,羹亦很清,亦有冬瓜味,可惜揾唔到真的冬茸.海鮮湯年糕($43)--有海參,蝦,同大塊雞肉,湯底不咸,年糕切得很細塊,有咬口,可惜不夠淋.開頭以為唔會有咁多人幫襯,但由七點幾坐到八點幾期間,眼見全院滿座,有點意外.