影片
更多
2025-06-23
38 浏览
-𝐀𝐧𝐠𝐞𝐥𝐢𝐧𝐢 🍝估唔到最近紅爆全網絡既捲捲麵就連五星級酒店都食到位於尖沙咀既九龍香格里拉酒店既意大利餐廳Angelini最近有冼師傅成為新任行政總廚 擁有逾20年廚藝經驗 出自米芝蓮同國際名廚門下 深諳意大利南部料理精髓今次仲特別推出性價比高$600有找既4道Tasting Menu ✨Chef Sam's Tasting Dinner Set Menu（$598/pp)Antipasti 🧀 Burrata Cheese with Tomato soup布拉塔芝士蕃茄清湯 — 芝士奶香濃郁 質感細膩柔滑係旁倒入清甜微酸蕃茄清湯 酸甜平衡 清爽而不膩伴有蕃茄汁啫喱 蕃茄乾碎碎 中意仲滴左羅勒油 提升香氣 冇諗過Burrata變成湯品時 會咁清新開胃🌟🌟🌟🌟🌟🐙 Grilled octopus with Calabrian Nduja spicy sauce, sweet corn and crispy polenta燒八爪魚 — 配粟米醬、辣肉醬腸汁、粟米芯同粟米脆片八爪魚外層帶微微焦香 口感軟糯 尾端香脆 帶有炭烤香氣辣肉腸醬汁帶有微辣及煙燻風味 伴有香甜細滑既粟米醬 層次豐富
𝐀𝐧𝐠𝐞𝐥𝐢𝐧𝐢 🍝
估唔到最近紅爆全網絡既捲捲麵就連五星級酒店都食到
位於尖沙咀既九龍香格里拉酒店既意大利餐廳Angelini
最近有冼師傅成為新任行政總廚 擁有逾20年廚藝經驗
出自米芝蓮同國際名廚門下 深諳意大利南部料理精髓
今次仲特別推出性價比高$600有找既4道Tasting Menu
✨Chef Sam's Tasting Dinner Set Menu（$598/pp)
Antipasti
🧀 Burrata Cheese with Tomato soup
布拉塔芝士蕃茄清湯 — 芝士奶香濃郁 質感細膩柔滑
係旁倒入清甜微酸蕃茄清湯 酸甜平衡 清爽而不膩
伴有蕃茄汁啫喱 蕃茄乾碎碎 中意仲滴左羅勒油 提升香氣 冇諗過Burrata變成湯品時 會咁清新開胃🌟🌟🌟🌟🌟
🐙 Grilled octopus with Calabrian Nduja spicy sauce, sweet corn and crispy polenta
燒八爪魚 — 配粟米醬、辣肉醬腸汁、粟米芯同粟米脆片
八爪魚外層帶微微焦香 口感軟糯 尾端香脆 帶有炭烤香氣
辣肉腸醬汁帶有微辣及煙燻風味 伴有香甜細滑既粟米醬 層次豐富 冇諗過八爪魚會同粟米係咁夾 🌟🌟🌟🌟
🦐Sicily red prawn tartare with green apple, chives, crown of kadaifi pastry, Oscietra caviar （+$118/pp)
西西里紅蝦韃靼 — 紅蝦口感爽口彈牙 入口鮮味爆發
鋪上法蔥同酥皮 增添脆脆口感 鋪上Oscietra caviar
鹹香濃郁 伴有citrus 果醬同青蘋果醬酸甜清新 帶點果香
清新得黎又好夾 反而提升鮮味
Primi Piatti
🐮Homemade ox tail agnolotti with Celeriac purée and chips and Barolo reduction
自家製牛尾雲吞配西芹頭蓉、西芹頭芝士脆片伴紅酒汁
牛尾餡肉香濃厚 帶有滲入骨髓既膠質感 入口即化 唔油膩
紅酒汁帶有果香及微酸 同牛尾既濃郁香氣搭配得宜
個人幾中意西芹芝士脆片 鹹香酥脆 西芹頭蓉口感幼滑
聽講牛尾雲吞同意粉都係每日新鮮自家製 特別Al Dente
🍝 Fusilli lunghi bucati
意大利扭紋長通粉（+$150/pp季節鮮黑松露）
主廚即席將捲捲麵放係Pecorino羊奶芝士巨輪攪拌
散發出陣陣羊奶香氣 並黑椒同即刨夏季黑松露薄片
增添口感 同帶有淡淡菌香 捲捲麵口感煙韌
每啖都充滿微鹹羊奶香氣🌟🌟🌟🌟
Secondi Piatti
🐟Baked whole wild New Zealand blue cod, Al cartoccio （+$68/pp）
香草蕃茄檸檬焗原條野生紐西蘭藍鱈魚配薯蓉、杏仁及西蘭花苗伴檸檬牛油
咁巨型既原條嘅紐西蘭野生藍鱈魚都係第一次係餐廳見到
用玻璃紙慢煮 一打開就聞到好香檸檬牛油汁 清新帶微酸 肉質細嫩多汁 油脂分佈平均 配簡單調味 魚味清淡但鮮甜
薯蓉都好幼滑細膩 濃濃奶香 配合魚肉一齊食更加分
Dolce
🍋Limoncello zabaglione
檸檬酒沙巴翁— 主廚即席將意大利檸檬酒打成既沙巴翁
吱係雪葩上 平時好怕沙巴翁會好嗆喉 好酸 好難入口
好彩呢度既完全唔怕酒精太強 雖然都酸但清甜的！
另外配搭鮮雜莓、檸檬蛋糕及杏仁 勁酸酸甜甜
🥥Coconut Panna Cotta
意式椰香奶凍— 奶凍質感滑溜 椰香濃郁 甜度恰到好處
配熱情果雪葩酸甜醒胃 同奶凍搭配更顯清新
张贴
