湯•米 (已易手) 新餐厅

中午在旺角搵食，路過呢間餐廳叫湯‧米，以為又係食米線之類，結果望左餐牌後，原來係一間台式餐廳。餐廳裝修簡約，門口有一個大水bar係用黎調配台式飲品。原本我地係俾門口外貼住既臭臭鍋吸引入黎，結果店員話火鍋只會在晚上供應。本來我地都想走，但見佢中午既餐牌都幾吸引，即管試一試。叫了一份外婆炸醬手打面同牛𦟌香湯肉燥飯。由於小食係無得散叫， 唯有將跟餐既小食全部叫晒。跟餐小食有太陽蛋，台式香腸，香辣/柚子雞翼同酥炸花枝丸。外婆炸醬手打面的面身好Q，炸醬帶微辣好惹味，只係略嫌炸醬太少，撈唔晒整碗面。牛𦟌炆得好冧，台式香腸好好味，肉燥好多好送飯。小食都唔錯，花枝丸好彈牙，雞翼亦唔會炸得好乾身，台式香腸當然就有一定嘅水準。