Hong Kong Burger (榮發工業大廈) (已結業)

中午途經，見到 hong Kong burger，原來喺九龍灣開咗分店，見佢夜晚開到八點半，理所當然，是日晚餐就决定食佢啦！不過，因為唔想食得咁 heavy，所以，今次先試咗佢嘅薄餅同意粉先。 估佢唔到，打正旗號係 burger 店，但係，原來佢嘅意粉同薄餅，都一樣咁出色喎！薄餅香脆用料足。而個意粉呢，味道香濃，裏面最少有四、五隻，爽口彈牙嘅大蝦，意粉亦一樣好有咬勁， 唔係林 bet bet 嗰啲嚟㗎！所有食物都係即叫即做，雖然要少少時間等待，但係，我拎到返屋企嘅時候，依然仲係熱㗎！對於佢出品嘅味道、質素、份量、價格都好滿意，不枉我行三、四個字左右，都特登過去試下。我相信，縱使佢嘅位置比較特别，一夜咗就更加冇乜人會行過，但，應該會有回頭客㗎，包括我。希望呢啲小店，可以繼續喺唔同地方，努力生存，發光發熱，等大家都可以繼續有唔同嘅選擇啦！😋👍🏻😍💪🏻😋👍🏻😍💪🏻