影片
更多
2018-12-10
1495 浏览
之前係網上見到有人推介呢間值得一試既沾麵店，今日終於得閒去試下啦！對於我係九龍人黎講，難得過開香港點會放過呢個機會呢~因為我地係坐叮叮去，所以揀係屈地街附近既站落車行過去。店鋪看似好隱蔽，其實好容易就搵到，係後巷後面。門面睇落特別有日式感覺，有齊餐牌擺係門口個木牌上俾客人睇，是日特別既麵底係柚子味（有無睇到最低果個牌仔寫住呀）原來店鋪每日都會有一款特別口味既麵底可以揀，好似仲有黑芝麻同埋Earl grey。好好彩我地二人六點半去到唔使等位 一入店鋪就發現老闆好有心思將店鋪布置成日本風格，牆身都是用麵粉包裝袋鋪滿，日本式既開陽廚房，前面仲會有座位可以坐住邊食邊睇師傅煮麵，另外有一間玻璃通透既獨立房，裡面有一部製麵機，可以俾客人睇到製麵既步驟由於主打沾麵，不會有太多選擇，湯底麵底各有三款任君選擇。先選湯底，再選麵底，另外可再追加麵或者其他配料，飲品都有好多種，有我至愛既波子汽水我揀左蝦味增湯+黑胡椒沾麵先來蝦味增湯底，一個「彩」字已經好吸睛，原來係用紫菜印出來的，湯頭裡面都有好多配料：兩塊大叉燒，筍條，一隻糖心蛋，一塊大紫菜和大蔥圈。我未等得切個麵黎就先飲左一啖湯，哇！原來大蝦同味增係咁夾
因為我地係坐叮叮去，所以揀係屈地街附近既站落車行過去。店鋪看似好隱蔽，其實好容易就搵到，係後巷後面。門面睇落特別有日式感覺，有齊餐牌擺係門口個木牌上俾客人睇，是日特別既麵底係柚子味（有無睇到最低果個牌仔寫住呀）原來店鋪每日都會有一款特別口味既麵底可以揀，好似仲有黑芝麻同埋Earl grey。
好好彩我地二人六點半去到唔使等位 一入店鋪就發現老闆好有心思將店鋪布置成日本風格，牆身都是用麵粉包裝袋鋪滿，日本式既開陽廚房，前面仲會有座位可以坐住邊食邊睇師傅煮麵，另外有一間玻璃通透既獨立房，裡面有一部製麵機，可以俾客人睇到製麵既步驟
由於主打沾麵，不會有太多選擇，湯底麵底各有三款任君選擇。先選湯底，再選麵底，另外可再追加麵或者其他配料，飲品都有好多種，有我至愛既波子汽水
我揀左蝦味增湯+黑胡椒沾麵
先來蝦味增湯底，一個「彩」字已經好吸睛，原來係用紫菜印出來的，湯頭裡面都有好多配料：兩塊大叉燒，筍條，一隻糖心蛋，一塊大紫菜和大蔥圈。
我未等得切個麵黎就先飲左一啖湯，哇！原來大蝦同味增係咁夾架，成個口腔都係濃濃既蝦味，一點也不會覺得油膩！黑胡椒麵係熱辣辣咁上檯，而且排得整整齊齊方便夾，原來都幾大份，仲好明顯見到每條麵都有細細粒既黑胡椒碎。原來自家製麵條可以咁有口感，彈牙又爽口，黑胡椒味不會太重而遮蓋麵條本身的味道，亦都唔會覺得辣。至於叉燒，大大塊半肥瘦，而且煮得好淋，肉味超香。另外值得一讚的是糖心蛋，蛋漿係流心架！
因為我係逐啖麵沾住湯咁食，所以食到最後還有少許湯會剩，我叫左店員幫我加左少許濃湯落去，原來加左濃湯之後蝦味會更加突出，正！我飲晒成碗湯！（之後行街都無覺得口渴，證明真材實料無味精)
蝦味增湯配黑胡椒麵
$88
55 浏览
0 赞好
0 留言
整體來講，環境質素同服務都相當高！期待下次可以嘗試其他是日精選麵底！
张贴
