九咪餐廳 (已結業)

是晚同女朋友去探我外婆,一留就留到七,八點,咁夜唯有係麗城個邊食埋飯先返出去,但我呢d一年都唔入黎呢d地方幾次,都唔知同女朋友食咩好,問我阿婆有咩好介紹,咁佢就話九咪餐廳,原來呢間野係我阿婆同阿公當年拍拖常去的地方,咁我就聽佢講去試下啦去到,外面環境真係有d古舊feel,但入面環境都唔錯啦,一入去,個老闆娘見到我拖住女朋友就送左枝白蘭花俾佢,我問做咩會有野送,原來係佢地餐廳依家搞緊情侶系列,哈,唔駛我做咩就有人幫我tum埋我女朋友,真好是晚散叫了好幾個餸,先試左個特別點的湯,手打魚湯睇menue ge時候以為都係個普通白湯咁,但點知一試好鮮甜,仲要真係有魚肉係度,值得一試之後黎左個豬扒,味道正不但止,仲要個名正,啜啜豬扒,真頂癮仲有個南乳雞翼,好香,好好味,同埋份量都唔少所以叫左三個餸已經都幾飽下p.s個老闆好好人,不過應該係對女仔姐..我女朋友同佢傾左幾句,扭擰左一陣間,佢就送左杯cocktail俾佢,但我杯就要錢....=.="所以大家可以帶女朋友去時,撩下個老闆wor不過聽老闆講原來佢以為係半島較酒的@@