周記涼茶館 (已結業)

食過炸物, 喉嚨勁投訴, 路過此店覺得古古舊舊嘅feel, 而且眼見茶葉蛋浸到好深色, 應該有料到(心諗)街坊個個都叫婆婆做伯有, 伯有就同個個都咁好倾, 上至時事, 下至街坊趣談都會倾得不亦樂乎 有位女士叫了碗糖水來吃, 伯有問她要不要點蕃薯糖水的蕃薯, 伯有說忙著忙著, 竟忘記了關火, 我見她「畢」出兩大件顏色又深黃又煲到入味的甜蕃薯。睇見口水流要盅熱龜苓膏 $36, 嘩~~ 好貴(平時喺荃灣食開$27), 其實一切就由而家開始, $36绝對超值......舖頭細細但有家的温暖~熱龜苓膏好熱(全部自家煲製,不含防腐劑), 伯有送我半杯五花茶撈入龜苓膏處降温, 龜苓膏味道甘醇, 一點也不苦。 吃龜苓膏送糖水, 我吃着吃着的時候, 伯有鑑貌辨色的話睇我嘅樣有重感冒(中喎~)咳唔出痰(又中！), 而我丈夫就夜晚睡不入眠(中！), 咁伯有就將送给我們的糖水改為感冒茶(另加$8)及丈夫的野葛菜水(清热解毒, 去骨火), 足足倒了一滿龜苓膏盅的份量。伯有即時幫我設計了一個療程, 她先给我一杯茅根竹蔗水, 要一飲而盡(颜色颇深, 味道甜而顺喉), 伯有說茅根竹蔗水能幫我鬆痰, 喝完停一停便到