Ikigai Concepts (已結業)

食甜品🍮就係最開心，本身我個人就超級鍾意食甜品，跟住見到呢一間餐廳有一個幾有特色嘅甜品，加上環境👀又唔錯，有日本🇯🇵嘅格調，所以就入去享受下啦。咁我叫左忌廉泡芙配士多啤梨🍓開心果同埋期待。忌廉泡沫有4粒，用品字形咁砌出黎，側邊就放左士多啤梨🍓同開心果碎點綴，淨係賣相已經好吸引人了。而一咬開泡沫，入邊嘅忌廉就爆出黎，鐘意食甜品嘅人一定要試。士多啤梨酸酸甜甜加埋泡芙簡直係絕配。而期待係用大吉嶺茶做茶底🍵，入面加d薰衣草，所以一沖出黎嘅時候就聞到好香嘅薰衣草味。而飲落去嘅時候有少少花香🌸🌼同果香，再配埋個泡芙，令到食完嘅心情變得好舒服。