更多
2019-08-14
2100 浏览
想喺上环食泰国菜,环境又舒适既话,我会谂起Moon thai呢度。毕竟呢度都系位于酒店里面,唔需要同人逼,枱与枱之间距离宽阔,有一定私隐度。呢度有indoor同outdoor,而家天气咁热当然拣有冷气嘅室内啦。是日黎到啱啱过咗最多人嘅lunch hour,2pm仍有semi lunch buffet供应,但我哋又唔算好肚饿就决定散嗌。叫咗一份烤鸡,大虾柚子沙律,冬阴公汤同埋热既泰式奶茶。冬阴公汤系我成餐饭最钟意嘅一道,酸度辣度恰到好处,材料十分充足,好多秀珍菇同虾,呢个汤好好饮,值得推介。大虾柚子沙律都系足料嘅,酸酸甜甜好开胃,大虾弹牙泰式烤鸡就争啲,冇乜特别,鸡比较瘦,好有骨感热泰式奶茶就一壶上,茶味浓,奶幼滑,好饮。顺带一提,我哋3点几食紧嘅时候就不断有清洁员工系我地附近拖地,其他员工又好似赶落场咁(不过佢地无叫我地走既),只系以酒店餐厅嚟讲,感觉就有啲唔系咁舒服。
张贴