Espresso Alchemy (如心廣場一期)

营业中

休息中

今天好想飲一杯好咖啡，便想起Espresso Alchemy ，行到如心廣場附近已經刮起大風，又有颱風將會襲港。我時時都會食佢哋嘅三文治和意粉 但係未試過「蟹肉味噌扁麵」，總覺得味噌有點唔爽，不期然想起味噌湯，不過今日就試吓啦。香噴噴的蟹肉味噌扁麵來啦，熱騰騰的，上面滿是蟹肉、菇菌、芝士和香草，將佢哋輕輕拌勻，第一啖入口已經覺得非常美味，扁麵煑得少少稔身這很配合材料的平衡，菇菌處理得好好而且當中的雞髀菇粒還是脆脆的，食到最後汁醬還是掛著麵條但不會變得杰身，廚師的用心製作。Piccolo Latte 迷你牛奶咖啡是我喜愛的咖啡之一，講得迷你當然係細細杯，他的牛奶比例只有latte的一半，由於牛奶的份量少，所以能突出咖啡原有的味道，但亦唔會只有咖啡的濃。好喜歡Alchemy 的咖啡製作，Piccolo 入口順滑，不用加糖也帶點甜，有點甘香，很回味。剛出爐嘅香蕉蛋糕，香、軟，甜度剛剛好。