順流冰室 (已結業)

茶餐廳既裝修富有年代感，行到有點攰需要坐下食個下午茶，我地點左炒蛋菠蘿包、豬扒出前一丁、椰汁紅豆冰和奶茶。菠蘿包外層酥脆，內裡鬆軟，甜度剛好，係好食既菠蘿包。豬扒出前一丁，豬扒煎得好香，肉質唔會好乾，好易咬開，又唔似落左好多鬆肉粉，豬扒做得唔錯。椰汁大王紅豆冰，真係好椰，椰汁無乜甜味，加埋好甜既紅豆，一齊飲甜度岩岩好，大熱天時飲一杯既刻個人涼番。樽仔奶茶，黎到茶餐廳一定要試奶茶，呢到奶茶都很不錯，好滑唔澀，奶味濃。不過，個人覺得甜度稍微有點高，建議店家減少一些糖分。