Bread and Bistro (已結業)

過咗新年後嘅平日去食tea，比個裝修環境吸引咗入去，叫咗兩樣野食1）三文魚牛油果班戟 2）三重芝士三文治。因為太伏，所以連相都費事影。食物質素連茶記老麥都不如。個班戟，一叫完唔洗兩分鐘上到枱，擺明唔係即製，都唔緊要喇，都唔係刀都切唔開咁搞笑架？第一次食班戟好似食紙皮咁，仲衰過老麥果啲，食咗兩啖都唔想食喇。之後個三文治仲離譜，塊面包都唔知係咪新年前放到依家，硬到掟死狗，佢又唔係因為有烘過，反而個樣似無乜點烘過，完全係因為唔新鮮！咬到牙較都軟埋。跟著個餡又勁鹹，最後都放棄咗。呢個價錢比啲咁嘅嘢人食，一啲誠意都無，就算lunch有正常水準，呢間野一定無下次。勇者可去試。