160
27
10
港铁黄竹坑站A2出口, 步行约2分钟 继续阅读
营业时间
星期一至六
09:00 - 17:00
星期日
全日休息
公众假期
08:30 - 20:30
付款方式
Visa Master AlipayHK 支付宝 现金 八达通 Apple Pay Google Pay
座位数目
36
其他资料
Wi-Fi
自带酒水
支持减塑
外卖服务
加一服务费
以上资料只供参考,请与餐厅确认详情
食记 (223)
等级1 2024-05-03
1461 浏览
◊ #throwback一大朝早约咗班朋友去海洋公园,点知遇著朋友迟大到无计,唯有食个早餐食饱先入场💁‍♀️黄竹坑站距离海洋公园离只系一站之隔呢区餐厅实在系少,喺无咩选择嘅情况下就拣咗食呢间「Bread and Bistro」◌ 环境呢间餐厅环境系坐得阔落舒服,楼底高,喺度食嘢系几chill◌ 食物.饮品食物价钱稍为贵咗少少,不过呢区都系差唔多呢啲价All day breakfast 都ok,炒蛋几滑,其他就不过不失,$148来讲就有啲贵另外都加咗个吉列鱼柳,都系普普通通啦~呢间最值得食系梳乎厘Pancake即叫即整,等好耐等咗30几分钟Pancake有3旧,蛋香浓好松软大大份仲有焦糖香蕉🍌 价钱$128我觉得都抵食咖啡就无咩特别◌ 服务唔错,店员几nice有礼貌 继续阅读
(以上食记乃用户个人意见 , 并不代表OpenRice之观点。)
等级4 2024-01-30
2140 浏览
呢间餐厅都bookmark 咗一段时间,咁终于有机会试。之前有想过食佢个冲绳塔可饭,但因为个日太冻,所以食咗其他暖胃的饭😆照烧鸡扒野菜 鲣鱼汤泡饭 $128一开始先试佢的汤底,汤睇落好清澈,饮到鲣鱼的香味同鲜味,呢个汤底的确唔错👍🏻白饭混合咗少少糙米,汤本身都有d 蔬菜粒粒,汤同饭mix埋后食落好有口感。照烧鸡扒的照烧汁味好浓郁,表面仲落咗饭素,就咁食会有d咸,但同汤饭食就啱啱好,食到照烧汁的味道又唔会太咸,都几好食😋成个汤饭食完个胃暖笠笠,啱哂冬天食☺️生姜鲜奶 $48饮落似甜甜哋的奶,姜味唔浓,淡淡的姜味令鲜奶的味道更突出,唔错👍🏻饮到底仲会饮到少少姜粒,但食落无姜的辣味,可能系因为浸系鲜奶度太耐🤔️Menu上的梳乎厘pancake好似都唔错,但食完个饭都已经饱哂,唯有留返下次😌Bread and Bistro (黄竹坑)黄竹坑香叶道2号One Island South地下G06号舖*上述文章只供参考及以当时价格为准 继续阅读
(以上食记乃用户个人意见 , 并不代表OpenRice之观点。)
等级3 2024-01-05
1475 浏览
喺黄竹坑嘅Bread & Bistro嗌了一餐真系令人目不转睛!👀 首先上嚟嘅海盐焦糖松饼,哗哗哗!香甜焦糖同微咸海盐交织出咁一个绝妙味觉旅程,解困啰。跟住嚟嘅香浓炖牛肋条饭简直啱晒,牛肋条腍到化,酱汁浓郁上饭绝配,正!🍚寿喜烧乌冬配安格斯牛肉,可能咸咗𠮶滴水,不过个牛肉够腍够汁,乌冬爽滑得嚟,口感丰富。🍜 日式咖哩就嚟得香浓,而𠮶吉列猪炒蛋真系煎得啱啱好,脆皮同软心唔知边个抵死。谂住食健康嘅蕃薯藜麦沙律,点知𠮶啲香脆蕃薯加上薯仔,倾计挞住食完晒,几罪恶嘅诱惑呀!甜品方面,巴斯克芝士蛋糕真系有咖菠萝包咁结实,忌廉芝味十足,个布丁烧又滑溜得黎香甜,食完之后,真系令人心情大好!今次嘅食评会嗌完美收场,下次再黎! 😋🍰🥗 继续阅读
(以上食记乃用户个人意见 , 并不代表OpenRice之观点。)
等级1 2023-12-28
1262 浏览
Boxing Day 去南朗山行山本来打算去熟食中心食泰菜点知冇开,唯有去附近揾食。打开OpenRice睇到Bread and Bistro 排头位又多好评,以为隐阵点知原来系中伏🙄环境不过不失,价钱贵都算以为起码会有simplylife 质素,点知连ASAP都不如仲冇跟餐饮,CP值极低,5个人每人点一款,除Tuna Taco (生食唔洗煮)外冇一款得,食材都系一般卖单700几😓,早知去Pizza Express好过。当时失望到连一幅食物相都冇影,不堪入目。又一次教训食评未必可靠,如果唔系觉得咁伏唔想啲人学我咁满怀期待去食点知仲衰过唔食,我都唔会花时间写评价。 继续阅读
(以上食记乃用户个人意见 , 并不代表OpenRice之观点。)
今日嚟黄竹坑嘅Bread and Bistro食午饭。餐厅唔算大,午饭时间餐厅都差唔多满坐,不过唔使等位,我去到时仲有两张枱冇人。餐厅提供好多唔同类型嘅食物,有拉面、咖喱、意粉等等今次系星期六嚟,有假日餐牌我就叫咗餐牌有星星即系厨师推介嘅拉面—自家制猪骨浓汤 配日式叉烧拉面🍜。卖相一般般,有少少失望。日式叉烧有5mm咁厚,食落味道同口感都好唔错。不过拉面同蛋食落都系一般般。唔算难食但都唔系好好食。个人觉得呢个质素,唔值加一前$128呢个价钱。可能午饭时间太繁忙啦,碗面多几条乌冬同一小块牛柏叶😅叫主菜嘅话可以加$78多一份朱古力心太软蛋糕配一球雪糕。雪糕系云呢拿味,味道似系自家制,都几好味。心太软我个人觉得有少少过甜,唔太推荐。餐厅内部装修唔错值得一赞嘅系,餐厅员工服务态度好好。即使系午市繁忙时间,个个都好有礼貌同友善☺️ 继续阅读
(以上食记乃用户个人意见 , 并不代表OpenRice之观点。)