影片
更多
2019-08-18
88 浏览
呢間餐廳極差，難食到要寫食評!收工已經肚餓，喺登打士街廣場等搭𨋢例牌耐，增加餓感。理應咩食物都放到入囗，但相反，情願食麵包都唔會食。一份小食+兩碟菜式都算大碟。擺碟正常，鹹蛋粒更加係唔洗錢、大把貨，但味道令人超倒胃囗。先講精髓金沙大蝦鹹蛋意粉 $118 鹹蛋黃碎乾濕軟硬地包住每條意粉，已經覺得有尐濟同伏。朋友一放落囗，即刻皺哂眉，大聲嗌：咩嚟o架。意粉好似畀鹹蛋黃，抽乾曬意粉嘅濕度。鹹蛋黃粒似溶未溶嘅膠著狀態好核突，增加口感唔係多料就得，完全弄巧反拙。味道名副其實地夠哂鹹。好想知有冇用過鹹蛋黃汁煮，抑或純粹成粒鹹蛋黃打碎整？ 支叉放入意粉拎上嚟，可以成舊拎得到，唔會跌翻落嚟。最後，食咗幾啖全枱放棄，淨係食蝦算。龍蝦汁大蝦海鮮意粉$138 龍蝦汁好濃，亦好鹹。 相比下，呢碟已經算正常，可以放入囗。凍荔枝洛神花茶正常味道，杯底係熱，冰未發揮作用，攪吓唔似水，飲得落。不過，都偏甜。因為兩碟菜式都超鹹，一杯飲品唔夠。叫waitress畀人頭數嘅水，等住救命。 十五分鐘後先催，但佢個樣好疑惑，以為畀咗都算。佢最後竟然只係拎咗一杯，仲要得半滿嘅水走前約半小時，見到waitress走咗去一張客枱嘅附
收工已經肚餓，喺登打士街廣場等搭𨋢例牌耐，增加餓感。理應咩食物都放到入囗，但相反，情願食麵包都唔會食。
一份小食+兩碟菜式都算大碟。
擺碟正常，鹹蛋粒更加係唔洗錢、大把貨，但味道令人超倒胃囗。
先講精髓
金沙大蝦鹹蛋意粉 $118
鹹蛋黃碎乾濕軟硬地包住每條意粉，已經覺得有尐濟同伏。朋友一放落囗，即刻皺哂眉，大聲嗌：咩嚟o架。
意粉好似畀鹹蛋黃，抽乾曬意粉嘅濕度。鹹蛋黃粒似溶未溶嘅膠著狀態好核突，增加口感唔係多料就得，完全弄巧反拙。
味道名副其實地夠哂鹹。好想知有冇用過鹹蛋黃汁煮，抑或純粹成粒鹹蛋黃打碎整？ 支叉放入意粉拎上嚟，可以成舊拎得到，唔會跌翻落嚟。最後，食咗幾啖全枱放棄，淨係食蝦算。
龍蝦汁大蝦海鮮意粉$138
龍蝦汁好濃，亦好鹹。 相比下，呢碟已經算正常，可以放入囗。
凍荔枝洛神花茶
正常味道，杯底係熱，冰未發揮作用，攪吓唔似水，飲得落。
不過，都偏甜。
因為兩碟菜式都超鹹，一杯飲品唔夠。叫waitress畀人頭數嘅水，等住救命。 十五分鐘後先催，但佢個樣好疑惑，以為畀咗都算。佢最後竟然只係拎咗一杯，仲要得半滿嘅水
走前約半小時，見到waitress走咗去一張客枱嘅附近開冷氣。其實環境一直焗，仲有尐熱，又多人，煙味濃，原來一直未開哂冷氣？
嬲到即係想走，竟然先傳上一早嗌嘅小食…完全忘記仲有呢碟，因為第一碟菜式已經望到飽咗…唯有死死氣食埋呢碟。正常薯條，無特别，但有芝士，不過呢刻已經無法哽得下。
食物差，服務同樣差。
雖然waiter一開始都記得按人頭派餐具，但落單時，waiter對我哋嘅order唔清晰，叫我哋講多次。 佢又好似唔想再聽，堅持要跟menu上面嘅food code no讀。然後行開咗，以為佢係自己搵code no。點知當我哋叫翻佢過嚟，佢問 no.係咩？原來佢行開係等我哋搵no.?
其實佢直接寫低個食物名，一定快過來來回回擾攘成兩分鐘都未落到單……
雖然人流多，但發覺淨嗌飲品嘅人最多，唔明點解尐人要嚟呢間。
食物飲品、環境(順帶一提：廁所唔急到死都唔好去：污糟) 、態度，無樣可以接受。
呢間主題係荷蘭，堅係嚇怕我去荷蘭。
张贴
