Lobster Une (已搬遷) 新店位置

本人從不寫食評。因為餐廳質量有起伏，人人口味唔同，只要唔太過份，食左都係一種體驗。不過呢間餐廳：1.裝修難睇，80年代豉油西餐式裝修， d枱鋪塊黑膠皮，張凳鋪張巢布。(本來諗住，bistro差裝修，野應該好食)2.價錢勁唔值，一入去就sell佢d signature dish. 都係單點。一零幾個龍蝦湯。一零幾個凱撒沙律。加個招牌龍蝦488（好似）。諗住今既價，bistro仔，應該都會幾好食或有d份量啦。個湯一到，完全閒唔到龍蝦湯味。個湯身又唔清，又唔濃，已經覺窄窄地。入口仲冇味過罐頭龍蝦湯。個沙律仲好笑一般西餐湯碗碟今大碟。今可以有幾多菜，大家都想像到。仲要唔知點解凱撒沙律有幾片0.5cm今薄既萍果。個龍蝦係澳龍，都應該貴既。但488，隻蝦肯定冇一斤，冇伴菜咩都冇。都已經唔算平(如果好食)。3.個龍蝦油泡既，味道可以。但我相信大部份香港人食唔到。仲要佢唔乾身。食完個人都油左。d肉因為油溫問題，又濕又實。結論:我已經細食，正常一個一人份餐食唔哂。呢餐一千食完好似冇食。食完仲要d油頂左成晚。唔想做水魚就識做啦。