Bingo & Cook

营业中

休息中

經過朗豪坊10樓見到呢間韓國餐廳好有特色，裝潢好吸睛，好有置身韓國大排檔感覺。見餐牌價錢好合理，決定同男朋友入黎晚餐。醬油蟹同蝦（跟一個紫菜伴飯）大推！2隻蟹加4隻蝦仲有飯都係$400左右，醬油蟹既味道好鮮美，蟹膏鮮甜，配上蛋黃，蟹既鮮味同醬汁完美融合，配上紫菜飯令人回味無窮。而醬油蝦都勁鮮甜，蝦口感爽彈，真係必試👍🏻韓式燉排骨燉排骨好巨型，排骨上鋪上大量芽菜，上碟感覺好似一個山丘😲，排骨好入味，肉質軟嫩輕輕咬開就離骨，掛上濃稠韓式醬汁，越食越有辣勁，而爽脆芽菜索晒排骨同醬汁精華，非常惹味。牛肉韓式冷麵冷麵牛肉切片十分嫩滑，搭配清爽冷麵，口感極佳。湯底清甜，水冷麵冰冰涼涼，食落好清新，食完辣野再食岩哂。