泰COOL (彌敦道) (已結業)

中午食饭谂唔到食乜，同事话嗌网上外卖平台，叫呢一间泰cool。谂唔到食咩嘅我，就是但叫咗个泰式猪手饭，另外再加多个炸春卷。左边系𩠌，右边系白饭，仲有多只蛋添！饭嘅份量都好多，都肯定系多过一碗咁济！呢个猪手嘅份量都好多，虽然下面畀啲洋葱垫高咗，但系猪手嘅份量真系好多，而且有肥有瘦，唔会净系得瘦肉，或者唔会净系得皮。猪手都非常软糯，非常入味，好好食。呢个春卷只系加九蚊，估唔到都有返啲份量，即使冻咗都系脆嘅，不过有少少觉得多油咗啲。成个lunch都唔系好贵，cp值超高！