影片
更多
2012-04-20
6 浏览
呢日同女友人向附近打完Bowling，準備去MCL睇'HP7'，去睇之前經過呢到，見Riso無咩人而又頗為寧靜氣氛又唔錯，於是就入左去啦！以前都向鑽石山食過幾次Riso，呢間就係第一次。首先，我好滿意間Riso個感覺好''開放式''望到出面其他店鋪之餘(雖然得幾間)，仲可以望到個天花板添=_=仲有，兩個人都有得坐果張''Sofa''既table，真係好舒服好鬆動；就算係其他table，其實D椅都頗舒服！讚！！！我地兩個唔係話特別食得多野，但都有少少肚餓；點左都幾多野食 :卡邦尼火雞燴意粉，鮮茄磨菇腸仔意粉，薯角，南瓜湯，兩杯誇啦芒果！南瓜湯碗湯十分迷你，但顏色鮮艷，味道好濃重！我自己十分喜歡！但略嫌碗湯唔夠熱。意粉向兩個意粉之中，卡邦尼火雞燴意粉似乎較為優勝！鮮茄意粉味濃，但卡邦尼淡淡地好似仲出乎意料咁好味！薯角炸得外皮幾好，又熱辣辣！但提一提少去呢間既朋友 : 佢只會比'茄汁'你，你可以問佢拎'芥末醬'，我覺得兩隻味混合先至好食 誇啦芒果呢個算係Smoothie？芒果味唔太重，我覺得太甜！下次同女朋友再去果度打Bowling既，都會再考慮下再食呢間: )
去睇之前經過呢到，見Riso無咩人而又頗為寧靜氣氛又唔錯，
於是就入左去啦！
以前都向鑽石山食過幾次Riso，
呢間就係第一次。
首先，我好滿意間Riso個感覺好''開放式''
望到出面其他店鋪之餘(雖然得幾間)，仲可以望到個天花板添=_=
仲有，兩個人都有得坐果張''Sofa''既table，真係好舒服好鬆動；
就算係其他table，其實D椅都頗舒服！讚！！！
我地兩個唔係話特別食得多野，但都有少少肚餓；
點左都幾多野食 :
卡邦尼火雞燴意粉，鮮茄磨菇腸仔意粉，薯角，南瓜湯，兩杯誇啦芒果！
南瓜湯
碗湯十分迷你，但顏色鮮艷，味道好濃重！
我自己十分喜歡！但略嫌碗湯唔夠熱。
意粉
向兩個意粉之中，卡邦尼火雞燴意粉似乎較為優勝！
鮮茄意粉味濃，但卡邦尼淡淡地好似仲出乎意料咁好味！
薯角
炸得外皮幾好，又熱辣辣！
但提一提少去呢間既朋友 : 佢只會比'茄汁'你，你可以問佢拎'芥末醬'，
我覺得兩隻味混合先至好食
誇啦芒果
呢個算係Smoothie？芒果味唔太重，我覺得太甜！
下次同女朋友再去果度打Bowling既，都會再考慮下再食呢間: )
张贴
