爆丼屋 (已搬遷) 新店位置

到了晚飯時段時常要諗食咩係一件困難既事，係旺角食個飯就更加諗到頭都痛，平時都會經過依間丼飯店排哂長龍，幸好今日五六點就餓，經過此店竟然唔太多人等候，所以毫不猶豫就入左黎嚐嚐佢有幾爆丼既功架店內裝修以簡約石牆為主，座位與座位之間雖然唔算闊落，但勝在多份熱鬧氣氛<<爆盛慢燒牛肉丼-小>>佢有重量級同普通兩黎份量，因為只有兩人吃，怕重量級太多食唔哂而浪費食物，所以叫左個普通的，但估唔到普通都已經有好多牛肉，牛肉食落唔韌，薄片又軟熟，加埋隻雞蛋，整個飯撈埋一齊食 ，美味十足，醬汁味道酸酸地，連埋一齊食落無咁漏<<三色海膽盛丼>>一送到上枱，海膽份量幾乎滿瀉，成個飯面都係，賣相非常吸睛，當中係來自三個不同地方既海膽，韓國海膽入口一點都唔苦，食落味道較清淡，無平時食到既海膽味咁濃，質感唔會太水太稀，而中間係加拿大的，海膽味道相對濃郁，每件都大大份，最後係日本的，雖然唔大件，但非常鮮甜美味，質感較實，唔會太軟同出水。將海膽同飯撈均食，粒粒飯都包住海膽，金黃色的，好美味，另配兩小包紫菜，可以夾住海膽飯一口吃，食哂整個飯非常滿足每個丼飯都跟