影片
更多
2021-09-15
55 浏览
好耐無食呢間嘅拉麵，見好多朋友最近去咗食，引到我拉麵癮起就要去食返碗啦！呢度出名辣麻味噌拉麵可自選辣度，但最近腸胃唔太好所以揀咗無辣無麻試吓佢地嘅原味味道如何。味玉辣麻味噌拉麵食拉麵當然要食有味玉嘅，我仲加咗玉米筍嘅配料，好似一座山咁超多份量。拉麵一上枱超熱燙，大大碗令我不禁擔心自己會食唔晒。拉麵偏粗身有咬口，湯底濃郁所以麵條都好有味，另外面頭更有層油保溫，食到最後都唔會凍。玉米筍帶炙燒香氣，叉燒大大一磚亦好入味。味玉幾驚喜，蛋黃呈橙黃色，唔知係咪用咗蘭王蛋，蛋黃味道非常濃郁，蛋白又滑。特製辣麻味噌拉麵另外點呢款明顯重量級啲，叉燒有兩大磚，份量大啱晒男士啊！內容物都大致相同，食完真係超飽肚啊！
呢度出名辣麻味噌拉麵可自選辣度，但最近腸胃唔太好所以揀咗無辣無麻試吓佢地嘅原味味道如何。
味玉辣麻味噌拉麵
食拉麵當然要食有味玉嘅，我仲加咗玉米筍嘅配料，好似一座山咁超多份量。拉麵一上枱超熱燙，大大碗令我不禁擔心自己會食唔晒。
拉麵偏粗身有咬口，湯底濃郁所以麵條都好有味，另外面頭更有層油保溫，食到最後都唔會凍。
玉米筍帶炙燒香氣，叉燒大大一磚亦好入味。
味玉幾驚喜，蛋黃呈橙黃色，唔知係咪用咗蘭王蛋，蛋黃味道非常濃郁，蛋白又滑。特製辣麻味噌拉麵
另外點呢款明顯重量級啲，叉燒有兩大磚，份量大啱晒男士啊！內容物都大致相同，食完真係超飽肚啊！
张贴
