影片
更多
2021-10-17
60 浏览
今日入馬鞍山行街，行到晏少少先去搵地方晚餐，發現好多餐廳都要等位，朋友就介紹不如去泥涌西沙嗰頭食，聽落以為幾遠吓，原來搭小巴10分鐘左右就到，揸車都唔駛擔心，因為外面有位泊車。我哋揀咗間叫【King’s & Queen’s 冰室】，係食港式小炒嘅，餐廳標榜唔落味精，鹽係用日本高質素質業食鹽，夠健康。【西湖牛肉羹】勁大碗夠4人飲，我哋成餐喺度不停咁飲。牛肉、豆腐粒都好多好足料。【黑松露醬滑蛋蝦球】黑松露味道啱啱好唔會過濃，同蛋香完美配合，仲有香蔥芫茜提味。蝦球就勁大粒好新鮮爽口。【海味雜菜煲】啲餸多到差不多滿瀉。魷魚、蝦米、冬菇配爽口粉絲，雜菜有西蘭花、菜心、白菜仔、紅蘿蔔同茶樹菇。我哋兩個人叫咗兩餸一羹都食到好飽，咁抵食，難怪餐廳雖然唔喺巿區但都坐滿啦。
我哋揀咗間叫【King’s & Queen’s 冰室】，係食港式小炒嘅，餐廳標榜唔落味精，鹽係用日本高質素質業食鹽，夠健康。
【西湖牛肉羹】勁大碗夠4人飲，我哋成餐喺度不停咁飲。牛肉、豆腐粒都好多好足料。
【黑松露醬滑蛋蝦球】黑松露味道啱啱好唔會過濃，同蛋香完美配合，仲有香蔥芫茜提味。蝦球就勁大粒好新鮮爽口。
【海味雜菜煲】啲餸多到差不多滿瀉。魷魚、蝦米、冬菇配爽口粉絲，雜菜有西蘭花、菜心、白菜仔、紅蘿蔔同茶樹菇。
我哋兩個人叫咗兩餸一羹都食到好飽，咁抵食，難怪餐廳雖然唔喺巿區但都坐滿啦。
张贴
