泰巷 (MOSTown新港城中心) (已結業)

今日同朋友黎到新港城，見有間泰國野環境唔錯，就去等位啦。因為唔算踏正中午，等左3個字左右啦，入去後條隊就長好多啦。入面裝修唔錯，都幾好坐，感覺乾淨，店員態度都唔錯。我叫左杯龍眼冰同咖哩雞扒飯，呢種咖哩唔辣既，啱曬鐘意咖哩又唔係好頂到辣既人。始終咖哩應該唔係佢地主打菜式或拿手小菜，味道一般，無特別好味，又未至於難食，係比較稀、快餐店質素既咖哩汁吧。除左雞，佢仲有幾塊薯仔，薯仔唔算好入味。呢碟連飲品65蚊左右。另外仲叫左小食燒沙嗲串燒，沙嗲ok，但d肉質一般，有d硬。呢餐味道一般吧，不過份量幾多既，整體黎講就覺得性價比一般。