影片
食家推介
早午餐都算抵食，份量都足够👍🏻👍🏻款式都算多，但味道不过不失🤣🤣餐厅舒适，都多卡位，坐得都几舒服😌👍🏻但冷气就冻左啲😝服务态度都okay,会再帮衬！最抵食系佢地嘅早餐，有包，我钟意食佢嘅猪扒汤面，猪扒够大块，米粉普通，旨在抵食！
继续阅读
住喺马鞍山，成日都食呢间，因为又平又抵食，服务好，坐得舒服，可以慢慢坐下午茶menu好抵，主要都系番茄汤冬荫公汤清鸡汤配公仔面米粉通心粉，配小猪扒鸡扒手撕鸡扎肉等等，加$8有份肠仔+炒蛋+多士，优惠价可加小食，配热饮，可加钱饮冻饮/特饮。最钟意食香茅小猪扒冬荫公公仔面冬荫公有时比较辣有时就中等小猪扒唔硬，冇乜肥膏，好食$8嘅炒蛋+肠仔+多士，好抵，一定要加优惠价配小食春卷3条 $12斋春卷，只有红萝卜丝椰菜丝咁，但炸得好脆又唔油，入面料都多，满满菜丝小食$16 5件香茅小猪扒冇浸落汤度仲脆口，干身啲脆口啲仲好食，又唔会好干$12 2只香茅鸡中翼泰式冻奶茶，好香浓，同港式真系好有分别，值得一试我最爱就泰式冻柠茶，冇柠檬唔洗吉柠檬，系用新鲜青柠汁menu仲有好多其他嘢食，例如船河、炒粉面饭、咖哩饭、炸鱼柳、海南鸡饭等等。另外服务好，一入嚟每个有见到你嘅店员都会同你打招呼欢迎光临叫你随便坐，走个阵都会有店员多谢你再见。连经理都会落单同送餐，唔会扮睇唔到你。冷气够，坐得舒服，枱之间够距离，平日可以慢慢食慢慢坐都冇人赶，慢慢饮杯野饮玩下手机睇下剧都得。一个人想坐4人卡位都冇问题，试过冇晒卡位得番6人卡位都可以照比你坐，唔系满座都唔会要你搭枱。
继续阅读
有一排已经无食过泰巷，今日经过就见到佢啲餐牌唔同咗，出左一啲几抵食嘅下午茶。入去坐底叫左个手撕鸡公仔面，+$8要多份肠仔、炒蛋、多士，当然唔少得叫杯冻泰式奶茶啦😋😋😋 食物嚟到，份量适宜，唔会太少👍🏻杯冻泰式奶茶无失水准🥤下午茶抵食之选
继续阅读
听闻泰式船河好耐，原来新港城都有喔，位置近千色店。睇咗餐厅门口 menu，都有几多选择，于是走入去食。中午时分两人位等少少时间就安排入座，位置都几阔落，我哋叫咗招牌海南鸡饭，配餐加$8菠萝梳打饮品，几好饮，套餐有紫菜豆腐汤，小份沙律菜，选咗油饭，海南鸡都唔错，中规中矩。船河就耐少少，可能接近下午茶时间，多 order. 就慢慢饮阿华田先，饮得七七八八时船河就来了，我 Google 咗船河，汤底卤水味，所以颜色较深的。汤有少少甜味，材料有芽菜，豆卜，Q弹的细细粒肉丸，少少通菜，份量都尚好，饱饱的！
继续阅读
听闻马鞍山系美食沙漠，今日嚟到发现食肆选择都有好多。喺午市时间见到呢间泰式餐厅门外不断有人排队，好奇心驱使底下我都走去试一试。午市套餐有好多选择，包括炒粉面、汤面、咖喱同埋饭类。我哋叫咗咖喱牛腩饭套餐同埋香茅小猪扒煎蛋饭套餐。咖喱牛腩饭嘅咖喱汁好惹味，送饭一流。牛腩正常发挥，肉质腍身。我𠮶碟咁啱牛筋多个牛腩，喜唔喜欢就因人而异啦。香茅小猪扒肉质松软又冇骨，啱晒老人家同小朋友。味道正常，但香茅味略嫌唔够。猪扒同饭系分开上，汁都系分开上，所以食食吓觉得有啲干。顺带一提套餐嘅饭可选择白饭或油饭。如果拣油饭，可能整体会更加惹味。今餐叫咗泰式冻柠茶。冻柠茶加入青柠汁，味道清新， 十分醒胃。食完重口味嘅嘢再饮番啖真系好爽口。眼见马鞍山泰式餐厅选择唔多，呢度餐牌选择丰富，价钱公道，环境尚算舒适。下次嚟马鞍山想食泰式嘢，我都会再嚟呢度试吓其他食物。
继续阅读