影片
更多
2019-11-15
190 浏览
日本嘢一般都係諗壽司、拉麵、串燒居酒屋，釜之魂算係另一類，除咗有好幾種串燒基本款之外，主食令人喜出望外，有啲似石頭鍋飯，亦似柔和版煲仔飯。價錢非常合理，尤其想試金魂嘅話，下午茶時段去食係好抵。一坐低未落order就會先嚟湯同前菜，如果會食釜飯嘅建議唔好將前菜同湯食曬，因為釜飯真係好大份。叫咗一個金魂（$98），其實大約一佰蚊有前菜有湯有鰻魚飯仲有餐飲，釜之魂係好出色，舊鰻魚係好大塊，夠送晒成個釜飯。釜飯嘅飯粒比較硬身，少少糯米嘅感覺，如果個人唔係硬飯嘅lover，可以加十蚊做茶漬飯。另一個係日本花魚（$68），比想像無咁乾身都無over燒，肉質都係好嫩口。兩味小食，紫薯餅（$38）同串燒玉子（$28），加上前菜主食，都大概只係$130/人頭，非常合理嘅日本餐！
價錢非常合理，尤其想試金魂嘅話，下午茶時段去食係好抵。
一坐低未落order就會先嚟湯同前菜，如果會食釜飯嘅建議唔好將前菜同湯食曬，因為釜飯真係好大份。
叫咗一個金魂（$98），其實大約一佰蚊有前菜有湯有鰻魚飯仲有餐飲，釜之魂係好出色，舊鰻魚係好大塊，夠送晒成個釜飯。釜飯嘅飯粒比較硬身，少少糯米嘅感覺，如果個人唔係硬飯嘅lover，可以加十蚊做茶漬飯。
另一個係日本花魚（$68），比想像無咁乾身都無over燒，肉質都係好嫩口。
兩味小食，紫薯餅（$38）同串燒玉子（$28），加上前菜主食，都大概只係$130/人頭，非常合理嘅日本餐！
张贴
