極尚大喜屋 (銅鑼灣廣場一期)

营业中

休息中

極尚大喜屋係出咗名嘅放題，選擇琳瑯滿目，最近聽講轉左新菜單，即刻嚟銅鑼灣食返夠本！刺身、壽司刺身種類選擇多，食落都好新鮮，新推出嘅深海池魚王薄切好考驗師傅嘅刀工，每一塊都晶瑩剔透，加入埋柚子醬汁特別清爽。海膽手卷係必點，細細地一啖一個好過癮。燒物、炸物、一品料理金枕頭榴槤燒食落香甜口感軟滑，榴槤氣味好濃烈！紅燒乳鴿王細細隻皮脆肉嫩，即叫即燒熱辣辣。仲有避風塘炒魷魚彈牙有咬口，加入炸蒜香口惹味。鮑魚皇帝蟹皇粥係我個人最愛，棉密嘅粥底帶有蟹黃嘅淡淡香味，爽彈嘅鮑魚更加增添口感。除咗用Qr code落單嘅食物之外，吧枱位置仲有多款前菜、甜品同飲品可以自取任飲任食，可以盡情放肆大吃大喝！