牛之鍋

营业中

休息中

出開黎銅鑼灣行下，咁啱天氣又涼左～就走左去打邊爐！今次就去左近鵝頸橋既火鍋放題店dinner~~入到去同一般放題店一樣，但特別既係可以火鍋可以每人一煲或者一大煲都得！而我地就揀一大煲，感覺咁先似打邊爐嘛 hahha ~湯底方面有8款，有中式同日式，而我就中意壽喜燒，甜甜地！到火鍋配料，普遍都係芝士腸，冬瓜，豆卜等！輪到肉類，有美國極上牛肉，紐西蘭羊肉同豚肉，款式都夠👍🏻牛肉食落都有牛味，味道不錯，如果想食好d既牛肉可以加錢食埋極上雪花牛小排~話明放題點少得刺身，炸物，壽司呢？刺身就梗係要食甜蝦，鮑片，北寄貝等，食落新鮮又甜而壽司就叫左一芒果吉列蝦卷，海膽三文魚籽，火炙芝士蝦等芒果吉列蝦卷，蝦炸得好脆，配埋芒果，食落好有層次，我中意👍🏻海膽三文魚籽，三文魚籽好有海水味，又大粒，而海膽就冇咪味道！火炙芝士蝦，芝士能帶出蝦既甜味，兩種夾埋，味道簡直一流~不得不提甜品，種類好多，有糖水，雪糕，冰等，我都食左5少~最推介係榴槤甘露，甘甘甜甜既榴槤配上珍珠同西米，超好口感！飲品都有罐裝汽水，紙包飲品同啤酒，都係任飲的。總括來說，好超值，如果中午黎食仲平d添啊！