Cucina

知道Cucina有新promotion一個係$288香檳任飲,生蠔,風乾火腿任食,另一個係$388只送香檳,一杯,全自助餐任食. 我地喜愛香檳,當然選$288任飲餐. 當日立即相約兩位靚女去試試. 被安排地坐近窗邊位,有靚靚海景,真係心曠神怡. 是日供應Moet同VCP任飲,一定唔可以俾佢停. 其實因為佢地第一日做champagne brunch,只有40支Moet,搞到唔夠要出埋VCP!! 我估佢地今次失預算後,下次會醒目啲,計清楚,唔會咁失策.食物方面只係包生蠔同風乾火腿,但已經就係全自助餐內我最喜愛,呢個promotion好似係為我而切. 生蠔係即開Tasmania同Irish Rock,又係十分滿足. 每次都俾一碟滿生蠔俾我,等我唔使行咁多次. 最好係仲有埋我鍾意嘅pama ham,有專人即刨,送酒一流. 香檳,生蠔,風乾火腿絕對係完美組合!!侍應哥哥最後送我地甜品,仲同我地傾咗一陣.同兩位好友說說笑笑,有美食,有美酒,十分滿足嘅一個下午.