101手工涮涮鍋 (已結業)

有日同朋友講開韓式沙冰特飲，提到呢間101手工涮涮鍋有沙冰任飲好似幾特別就想試下。晚上9點唔多人，即刻可以入座了。這裡是一間台式火鍋店，形式同我想像中唔同，原來飲是任飲，但食並不是任點任食的。$288一位嘅套裝已包左以下，不過部份都係要比錢嘅😅1.前菜 - 麻醬手撕雞及木耳（可無限追加），咁夜食飯餓餓地，食個辣辣地嘅頭盤都幾滋味嘅。2.主菜（9款裡選1款）- 我選了台灣香辣三杯雞涮涮鍋。3.時令海鮮盤（不過要個位加$30追加）- 我冇加到。4.肉類（每兩位有一碟，有肥牛、黑毛豬頸肉同黑毛豬肉片選擇）我㨂左肥牛，好味就好味，不過食完一碟就要比錢再叫喇。5.101特選手工火鍋拼盤 - 朋友推介，幾精緻，每款一人一粒，冬菇同豆腐卜都釀左啲蝦膠墨魚膠，本以為黑色嘅鳥結糖好特別，原來都係類似墨魚滑咁嘅味，其實冇乜邊樣特別驚喜。6.響鈴配魚皮7.無限添加火鍋配料 - 無限添加的只有普通丸、菜同粉麵，冇肥牛係有啲失望嘅。8.無限添加所有無酒精飲品盤栽炭燒咖啡珍珠 - 面頭有啲oreo餅碎扮盤栽嘅泥，好味，我鐘意。